بلينكەن تاليبان "بٸزدٸڭ قىزمەتكەرلەرٸمٸزگە, بٸزدٸڭ وپەراتسييالارىمىزعا كەدەرگٸ كەلتٸرسە, بٸز قىسقارتۋدى جالعاستىرا بەرسەك, وعان تەز جەنە شەشۋشٸ جاۋاپ بەرٸلەدٸ" دەپ ەسكەرتتٸ.
مەملەكەتتٸك حاتشى اۋعانستاندا قالۋ اقش مٷددەسٸ ەمەس ەكەنٸن اتاپ ٶتتٸ. ونىڭ ايتۋىنشا, اقش-تىڭ تٶرت ەكٸمشٸلٸگٸ اۋعان ٷكٸمەتٸنٸڭ كٷشتەرٸنە ميللياردتاعان دوللار ينۆەستيتسييالاعان. بۇل ولارعا "تاليبان" الدىندا باسىمدىق بەرگەنٸمەن, ولار شابۋىلدى توقتاتا المادى.
"بٸز بۇل كٷشتەردٸڭ ەلدٸ قورعاۋعا قابٸلەتسٸز ەكەنٸن كٶردٸك. بۇل بٸز كٷتكەننەن دە جىلدام بولدى", - دەدٸ بلينكەن.
اۆس-قا بەرگەن سۇحباتىندا مەمحاتشى كابۋلداعى جاعداي مەن 1975 جىلعى سايگونداعى وقيعالاردى سالىستىرۋدان باس تارتتى.
"بۇل سايگون ەمەس ەكەنٸ انىق. مەسەلە مىنادا. بٸز اۋعانستانعا 20 جىل بۇرىن كٸردٸك, بٸر مٸندەت - 11 قىركٷيەكتە بٸزگە شابۋىل جاساعاندارمەن كٷرەسۋ. بۇل مٸندەت ورىندالدى. بٸز ون جىل بۇرىن بەن لادەندٸ جاۋاپقا تارتتىق; بٸزگە شابۋىل جاساعان توپ ايتارلىقتاي قىسقاردى. اۋعانستاننان بٸزگە قاراي تاعى دا شابۋىل جاساۋ مٷمكٸندٸگٸ - قازٸر مۇنداي قاتەر جوق... سوندىقتان ەگەر بٸز اۋعانستاندا نە ٸستەگٸمٸز كەلەتٸنٸ تۋرالى ايتاتىن بولساق, وندا بٸز مٸندەتٸمٸزدٸ ورىندادىق", - دەدٸ بلينكەن.
انونيم قالعىسى كەلگەن امەريكالىق شەنەۋنٸك جەكسەنبٸدە "گولوس امەريكي" باسىلىمىنا اقش ەلشٸلٸگٸنٸڭ كابۋلداعى ەۆاكۋاتسيياسى "قىزۋ جٷرٸپ جاتقانىن" حابارلادى.
شەنەۋنٸك اۋعانستانعا مىڭداعان امەريكالىق ەسكەر كەلەتٸنٸن جەنە ەلشٸلٸكتٸڭ اينالاسىن دا, كابۋل تٷبٸندە ورنالاسقان حاميد كارزاي حالىقارالىق ەۋەجايىن دا "تولىقتاي باسقاراتىنىن" ايتتى.
الداعى كٷندەرٸ كابۋلعا تٶرت مىڭعا جۋىق امەريكالىق ەسكەري كٷش كەلەدٸ دەپ جوسپارلانىپ وتىر, كەيٸنگٸ كٷندەرٸ ەلدەگٸ ەسكەر سانى 650 ادامعا دەيٸن ازايىپ كەتكەن ەدٸ.
ەسكە سالايىق, 15 تامىزدا "تاليبان" تەرروريستٸك قوزعالىسى اۋعانستاننىڭ بٷكٸل اۋماعىن باقىلاۋعا العانىن جارييالادى. كەيٸن ەل پرەزيدەنتٸ اشراف عاني وتستاۆكاعا كەتٸپ, ەلدەن ۇشىپ كەتكەنٸ تۋرالى حابار تارادى.
