بٷگٸن تٷركٸستان قالاسىندا قازاقستان رەسپۋبليكاسىنىڭ تەۋەلسٸزدٸگٸ كٷنٸنە ارنالعان «تەۋەلسٸزدٸك – تۇعىرىم!» اتتى مەرەكەلٸك ٸس-شارا ٶتتٸ. ەلٸمٸزدٸڭ ەڭ ۇلىق مەرەكەسٸنە جيىلعان جۇرتشىلىقتى تٷركٸستان وبلىسىنىڭ ەكٸمٸ جانسەيٸت تٷيمەباەۆ قۇتتىقتاپ, تەۋەلسٸزدٸك تۋرالى تەبٸرەنٸستەرٸن ورتاعا سالدى, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
«تەۋەلسٸزدٸك — ۇلى ۇعىم. جۇمىر جەر بەتٸندە ازاتتىعىن اڭساپ, بوستاندىققا قول جەتكٸزە الماي جٷرگەن ۇلتتار كٶپ. جىل, اي ەمەس, مينۋت سايىن قۇبىلاتىن الماعايىپ زاماندا قازاقستانىمىزبەن ماقتانىپ قانا قويماي, تەۋەلسٸزدٸگٸمٸزدٸ تۇعىرلى ەتۋ ٷشٸن بارشامىز ەڭبەك ەتۋگە تيٸستٸمٸز. بيىل تەۋەلسٸزدٸك كٷنٸ مەرەكەسٸن جاڭا وبلىس ورتالىعى — تٷركٸستان قالاسىندا تۇڭعىش رەت اتاپ ٶتۋدەمٸز. بۇل دا - تاريحي وقيعا. بٷگٸندە ەلباسىمىزدىڭ قولداۋىمەن تٷركٸستانىمىز تٷرلەنٸپ, وبلىسىمىزدىڭ ەلەۋەتٸ كٶتەرٸلٸپ كەلەدٸ. جىل باسىنان بەرٸ ٶنەركەسٸپ ٶنٸمٸنٸڭ كٶلەمٸ 409,6 ملرد. تەڭگەنٸ قۇرادى. اۋىل شارۋاشىلىعىنىڭ جالپى ٶنٸم كٶلەمٸ 508,2 ملرد. تەڭگەگە جەتسە, شەت ەلدەرگە ەت 6,2 مىڭ توننا ەت ەكسپورتتاعان وبلىسىمىز بۇل كٶرسەتكٸش بويىنشا رەسپۋبليكادا 1-ورىندى يەلەندٸ. 11 ايدا قۇرىلىس جۇمىستارىنىڭ كٶلەمٸ 110 ملرد. تەڭگەگە, ال, پايدالانۋعا بەرٸلگەن تۇرعىن ٷيدٸڭ جالپى الاڭى 374,8 مىڭ شارشى مەتردٸ قۇرادى. قازٸردٸڭ ٶزٸندە «ريكسوس» قوناق ٷيٸ مەن ٸسكەرلٸك ورتالىعىنىڭ قازىعى قاعىلدى. تاياۋدا تٷركٸستان قالاسىندا 30 ٸرٸ نىساننىڭ قۇرىلىسى باستالادى. ەلباسىمىزدىڭ قولداۋىمەن تٷركٸستاننىڭ تىنىسى اشىلىپ, جاڭا ماقساتتار مەن مەجەلەر ايقىندالۋدا. بارشاڭىزدى تەۋەلسٸزدٸك كٷنٸمەن قۇتتىقتاي وتىرىپ, وتباسىلارىڭىزعا اماندىق, يگٸ باستامالارىڭىزعا سەتتٸلٸك تٸلەيمٸن», — ٶڭٸر باسشىسى ەڭبەگٸمەن دارالانعان 55 ادامعا تٷرلٸ ماراپاتتاردى سالتاناتتى تٷردە تاپسىردى.
مەرەكەلٸك كەشتە تٷركٸستان وبلىسىنىڭ «قازىنا», «تۇمار» بي ۇجىمدارى مەن وبلىستىق وپەرا جەنە بالەت تەاترىنىڭ ٶنەرپازدارى «اتامەكەن» حورەوگرافييالىق كومپوزيتسيياسىن ۇسىندى. جەزتاڭداي ەنشٸلەر «اينالدىم ەلٸم», «قازاعىم», «نۇر-استانا», «قالام مەنٸڭ – تٷركٸستان», «وتان», «قازاقستانىم» جەنە ٶزگە دە پاتريوتتىق ەندەردٸ شىرقادى.
بويعا جٸگەر, جٷرەككە جالىن بەرەتٸن كەشكە قاتىسقان كٶپشٸلٸك تەۋەلسٸزدٸكتٸ تۇعىرلى, تٷركٸستانداعى باستامالاردى عۇمىرلى ەتۋگە ۋاعدالاسىپ, كٶتەرٸڭكٸ كٶڭٸل-كٷيدە تارقاستى.
