بٷگٸن وڭتٷستٸك قازاقستان وبلىسىندا رۋحاني جاڭعىرۋ باعدارلاماسى اياسىندا دٶڭگەلەك ٷستەل ٶتتٸ. وبلىس ەكٸمٸ جانسەيٸت تٷيمەباەۆ تٶراعالىق ەتكەن جيىنعا اقساقالدار مەن زييالى قاۋىم ٶكٸلدەرٸ قاتىستى, دەپ حابارلايدى"ۇلت اقپارات".
«رۋحاني جاڭعىرۋ: بەرەكە باسى - بٸرلٸك» اتتى جيىن جىل بويى اتقارىلعان جۇمىستارعا باعا بەرٸپ, الداعى اتقارىلار جۇمىستاردى تالقىلاۋ ماقساتىندا ۇيىمداستىرىلدى. مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىنىڭ جارىق كٶرگەنٸنە جەتٸ ايدان اسا ۋاقىت ٶتتٸ. سودان بەرٸ ەلٸمٸزدە, ونىڭ ٸشٸندە وڭتٷستٸك قازاقستان وبلىسىندا دا يدەولوگييا سالاسىندا قوعامدىق سانانى جاڭعىرتۋ باعىتىندا تٷرلٸ جوبالار قولعا الىنىپ كەلەدٸ. اۋقىمدى جۇمىستار اتقارىلۋدا. دٶڭگەلەك ٷستەل بارىسىندا سٶز العان ٶڭٸر باسشىسى ەلباسى ماقالاسىن جٷزەگە اسىرۋ ماقساتىندا 66 جوبا بويىنشا 121 ٸس-شارانى جٷزەگە اسىرۋ قولعا الىنعانىن جەتكٸزدٸ.
«ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جٷزەگە اسىرۋ بارىسىندا الداعى كەزدە تالاپتى كٷشەيتە تٷسەمٸز. وبلىستاعى 720 مىڭنان استام جىلجىمايتىن مٷلٸكتٸڭ كەلبەتٸن كٶرٸكتەندٸرۋگە قول جەتكٸزەمٸز. ەلبەتتە, بۇل رەتتە سٸزدەردٸڭ كٶمەكتەرٸڭٸزگە سٷيەنەتٸن بولامىز. جاستارىمىزدىڭ تەلٸم-تەربيەسٸنە, بٸلٸمٸنە اسا كٶڭٸل بٶلۋٸمٸز قاجەت. وسى تۇرعىدا سٸزدەردٸڭ قوسار ٷلەستەرٸڭٸز وراسان زور. «قارتى بار ەل - قازىنالى ەل» دەگەندەي, سٸزدەر بٸزدٸڭ قازىنامىز بولۋمەن قاتار, باعىت-باعدار بەرەتٸن دانالىقتىڭ سارقىلماس بۇلاعىسىزدار», - دەدٸ جانسەيٸت قانسەيٸتۇلى.
كەزدەسۋدە وبلىستىق ارداگەرلەر كەڭەسٸنٸڭ تٶراعاسى جەڭٸسبەك مەۋلەنقۇلوۆ بايانداما جاساپ, ەلدٸ بٸرلٸك پەن ىنتىماققا شاقىرۋدا ارداگەرلەردٸڭ ەڭبەگٸ وراسان ەكەنٸن اتاپ ٶتتٸ. ول سونداي-اق قارييالاردى ەلباسى ماقالاسىنىڭ ەل اراسىندا ٶز دەڭگەيٸندە ناسيحاتتالۋىنا كٷش سالۋعا شاقىردى.
«بٷگٸنگٸ تاڭدا وبلىسىمىزدا قىرۋار تٸرلٸكتەر اتقارىلىپ جاتىر. ٶڭٸردٸڭ ەلەۋمەتتٸك-ەكونوميكالىق دامۋ كٶرسەتكٸشتەرٸ دە جىل ساناپ جاقسارىپ كەلەدٸ. مەملەكەت تاراپىنان بارلىق سالالارعا قولداۋ قارجى مەن قاجەتتٸ قامقورلىق كٶرسەتٸلٸپ وتىر. بٷگٸنگٸ قوعامنىڭ ونىڭ ٸشٸندە جاستار تەربيەسٸنە, وتباسى قۇندىلىقتارىن ساقتاۋ, اۋىزبٸرلٸك پەن ىنتىماققا شىقىرۋ, حالىقتى ەلباسىمىز كٶرسەتٸپ وتىرعان باعىت-باعدارمەن حاباردار ەتۋ وسىندا وتىرعان بارشا ابىز-اقساقالدارىمىزدىڭ ەڭ باستى مٸندەتتەرٸ دەپ سانايمىن», - دەدٸ جەڭٸسبەك مەۋلەنقۇلوۆ.
مۇنان سوڭ ەڭبەك ارداگەرلەرٸ مەن تىل ەڭبەككەرلەرٸ, سارىاعاش اۋداندىق ارداگەرلەر كەڭەسٸنٸڭ تٶراعاسى مەن رەسپۋبليكالىق «دوستىق» ٶزبەكتەر قاۋىمداستىعىنىڭ تٶراعاسى يكرام حاشيمجانوۆتار سٶز سٶيلەپ, ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن بٸرلەسٸپ جٷزەگە اسىرۋ جٶنٸندە ٶز وي-پٸكٸرلەرٸن ورتاعا سالدى.
ايتا كەتەيٸك, بٷگٸندە وبلىستا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جٷزەگە اسىرۋ ماقساتىندا 844 ەلدٸ مەكەندە 3185 ٸس-شارا ٶتكٸزٸلگەن. ماقالادا ەرەكشە اتالعان جوبالاردى جٷزەگە اسىرۋعا 2022 جىلعا دەيٸن 16,2 ملرد تەڭگە بٶلۋ جوسپارلانىپ وتىر. جىل باسىندا «اتامەكەن» كٸشٸ باعدارلاماسى اياسىندا وبلىستان شىققان 205 تۇلعانىڭ قاتىسۋىمەن «تۋعان جەردٸ تٷلەتۋ - پەرزەنتتٸك پارىز» باسقوسۋى جوعارى دەرەجەدە ۇيىمداستىرىلدى. بٷگٸنگٸ كٷندە ٶڭٸردە كەسٸپكەرلەر, دەمەۋشٸلەر تاراپىنان جالپى 30 ملرد. 350 ملن. تەڭگەنٸ قۇرايتىن 529 ٶڭٸرلٸك جوبا قولعا الىنىپ وتىر.
بۇدان بٶلەك, «رۋحاني قازىنا» كٸشٸ باعدارلاماسى بويىنشا «اجارلى ٷي - ىرىستى» جوباسى اياسىندا 120-دان استام بەلسەندٸ, ەرٸكتٸ جاستار ەلدٸ مەكەندەردٸ اباتتاندىرۋ ماقساتىندا كٶمەككە زەرۋ 543 وتباسىنىڭ اۋلالارىن تازالاپ, قورشاۋلارىن, قاقپالارىن سىرلاپ, اۋىل اجارىنىڭ ارتۋىنا ٶز ٷلەستەرٸن قوسقان.
مۇنان سوڭ جيىن سۇراق-جاۋاپ ٷلگٸسٸنە كٶشتٸ. كەزدەسۋ سوڭىندا وبلىس ەكٸمٸ بارشا ارداگەرلەرگە سىي-سيياپات جاسادى.
