بٷگٸن م.ەۋەزوۆ اتىنداعى وڭتٷستٸك قازاقستان مەملەكەتتٸك ۋنيۆەرسيتەتٸ 75 جىلدىق مەرەيتويىن اتاپ ٶتتٸ. مەرەكەلٸك جيىن بٸلٸم ورداسىنىڭ الدىنان بوي كٶتەرگەن ۇلى جازۋشى, عۇلاما عالىم مۇحتار ومارحانۇلى ەۋەزوۆتىڭ ەڭسەلٸ ەسكەرتكٸشٸنٸڭ اشىلۋ رەسٸمٸمەن باستالدى.
سالتاناتتى شاراعا بٸلٸم جەنە عىلىم مينيسترٸ ەرلان ساعاديەۆ, تٷركٸستان وبلىسىنىڭ ەكٸمٸ جانسەيٸت تٷيمەباەۆ, وقۋ ورىن باسشىلارى مەن ستۋدەنتتەر جەنە تٷرلٸ سالادا ەسەلٸ ەڭبەكتەرٸمەن ەل ابىرويىن اسقاقتاتىپ جٷرگەن ۋنيۆەرسيتەت تٷلەكتەرٸ قاتىستى.
تٷركٸستان وبلىسىنىڭ ەكٸمٸ ٶزٸنٸڭ قۇتتىقتاۋ سٶزٸندە ٸرگەسٸ قالانعالى ەل دامۋىنا سٷبەلٸ ٷلەس قوسىپ كەلە جاتقان وقۋ ورىننىڭ ۇستازدارىنا العىس بٸلدٸردٸ.
«75 جىلدىق تاريحى بار بٸلٸم ورداسى ٷشٸن بيىلعى جىل تولاعاي تابىستارعا تولى بولدى. اتاپ ايتساق, ەلٸمٸزدەگٸ جوعارى وقۋ ورىندارىنىڭ رەيتينگٸسٸندە ٸٸٸ-ورىندى يەلەنسە, QS رەيتينگٸسٸ بويىنشا ەلەمدەگٸ 4,5 مىڭ جوعارى وقۋ ورىندارىنىڭ ٸشٸندە 609-دان 501-شٸ ورىنعا كٶتەرٸلدٸ. بۇل وسىندا ۇزاق جىلدار بويى ەڭبەك ەتٸپ كەلە جاتقان وقىتۋشى-پروفەسسورلاردىڭ ەرەن ەڭبەگٸ دەپ ايتار ەدٸم. جالپى تٷركٸستان ٶڭٸرٸندە 500 مىڭنان اسا جاس بار. مۇندا وقيتىن ستۋدەنتتەردٸڭ باسىم كٶپشٸلٸگٸن وبلىسىمىزدىڭ جاستارى قۇرايدى. ەندەشە وسىندا بٸلٸم الىپ, ٶز سالاسىنىڭ ٷزدٸگٸ اتانعان بٸتٸرۋشٸ تٷلەكتەر تٷركٸ دٷنيەسٸنٸڭ ورتالىعىنا اينالعان تٷركٸستان وبلىسىندا ٶزدەرٸنٸڭ جاڭا مٷمكٸندٸكتەرٸن جٷزەگە اسىرادى دەپ سەنٸم بٸلدٸرەمٸن», – دەدٸ جانسەيٸت قانسەيٸتۇلى.
شارا بارىسىندا بەلسەندٸ قوعامدىق قىزمەتٸ جەنە بٸلٸم بەرۋ مەن تەربيە ٸسٸ پروتسەستەرٸن ۇيىمداستىرۋدا ەڭبەك ەتكەن ۋنيۆەرسيتەتتٸڭ بٸرقاتار قىزمەتكەرلەرٸ «ىبىراي التىنسارين», «عىلىمدى دامىتۋعا سٸڭٸرگەن ەڭبەگٸ ٷشٸن», «بٸلٸم بەرۋ ٸسٸنٸڭ قۇرمەتتٸ قىزمەتكەرٸ», «ەڭبەك ارداگەرٸ» تٶسبەلگٸلەرٸمەن, سونداي-اق وبلىس جەنە قالا ەكٸمدەرٸنٸڭ العىس حاتتارىمەن ماراپاتتالدى. سونىمەن قاتار, ەلٸمٸزدٸڭ يگٸ ٸستەرٸ مەن جاڭاشىل باستامالارىنىڭ الدىڭعى ساپىنان تابىلىپ جٷرگەن وقۋ ورىننىڭ تٷلەكتەرٸ – قر ۇلتتىق عىلىمدار اكادەميياسىنىڭ پرەزيدەنتٸ, تەحنيكا عىلىمدارىنىڭ دوكتورى, پروفەسسور, اكادەميك م.جۇرىنوۆقا, ەكونوميكا عىلىمدارىنىڭ كانديداتى, 1973 جىلدان قازحتي كومسومول كوميتەتٸنٸڭ حاتشىسى, قوعام قايراتكەرٸ, 1993-1997 جىلدارى وقو ەكٸمٸ قىزمەتٸن اتقارعان ز.تۇرىسبەكوۆكە جەنە بٸرقاتار مەملەكەت جەنە قوعام قايراتكەرلەرٸنە ەرەكشە قۇرمەت كٶرسەتٸلدٸ.
ايتا كەتەيٸك, شىمكەنت قالاسىنداعى اتالعان بٸلٸم ورداسى 1943 جىلى قۇرىلىس ماتەريالدارى تەحنولوگييالىق ينستيتۋتى بولىپ قۇرىلعان. قازٸرگٸ تاڭدا, مۇندا 1700 وقىتۋشى-پروفەسسور, 136 عىلىم دوكتور, 646 عىلىم كانديداتى مەن دوتسەنت 20 مىڭنان استام شەكٸرتكە دەرٸس بەرٸپ كەلەدٸ. 75 جىلدا ۋۆەرسيتەتتەن 100 مىڭعا جۋىق ستۋدەنت تٷلەپ ۇشقان.
