17 قازان كٷنٸ قازاقستاندىق شاحماتشى, حالىقارالىق گروسسمەيستەر جانسايا ەبدٸمەلٸك بٸرٸنشٸ ٷندٸ سۋپەرليگاسىندا ٶزٸ وينايتىن Pivotal Pawns كومانداسىنا چەمپيوندىق جەڭٸس ەكەلدٸ, دەپ حابارلايدى قازاقپارات.
اينالمالى ويىن جٷيەسٸ بويىنشا بەس كٷندٸك ٸرٸكتەۋدەن كەيٸن التى كوماندانىڭ ٸشٸندە ەڭ مىقتى تٶرتەۋٸ: Pivotal Pawns, The Kingslayers, Brutal Bishops جەنە Ruthless Rooks نوكاۋتتا كٷش سىناسقان.
بٸرٸنشٸ ويىندا Pivotal Pawns-تىڭ The Kingslayers كومانداسىمەن ويىنى 3:3 ەسەبٸمەن اياقتالدى, ال Brutal Bishops كومانداسىمەن ٶتكەن ەكٸنشٸ ماتچتا Pivotal Pawns 2:4 ەسەبٸمەن جەڭٸسكە جەتتٸ.
ودان كەيٸن The Kingslayers كومانداسىمەن ەكٸ تەڭ ويىن ٶتتٸ.
وسىلايشا, جەڭٸمپازدى انىقتاۋ ٷشٸن ەيەلدەر اراسىندا ارماگەددون بەلگٸلەنٸپ, وندا جانسايا قارسىلاسى – گرۋزييا شاحماتشىسى, گروسسمەيستەر نانا دزاگنيدزەنٸ (The Kingslayers) ۇتتى.
ەسكە سالا كەتسەك, 11-17 قازان كٷندەرٸ ٷندٸلٸك ستەنداپ-ەزٸلكەش, شاحمات تريمەرٸ ساماي راينا, Nodwin Gaming ويىندار شىعارۋ جەنە كيبەرسپورت جارىستارىن ٶتكٸزۋ كومپانيياسى, سونداي-اق ٷندٸستاندا شاحمات تۋرالى ەڭ ٸرٸ جاڭالىقتار پورتالى ChessBase India-نىڭ ۇيىمداستىرۋىمەن بٸرٸنشٸ ٷندٸ سۋپەرليگاسى ٶتكٸزٸلدٸ.
