قازاقستاندىق بوكسشى جانقوش تۇراروۆ (25-0, 18 كو) ٶزٸنٸڭ وتانداسى جەنە دوسى قانات يسلامدى (28-1, 22 كو) قولدادى, - دەپ حابارلايدى Tengrinews.kz Vesti.kz-كە سٸلتەمە جاساپ.
"كەشەگٸ قانات باۋىرىمنىڭ كەزەكتٸ كەزدەسۋٸندە ەكٸ تاراپتىڭ دا مىقتىلىعىن كٶردٸك. جەكپە-جەكتٸڭ سوڭىنا دەيٸن تاقىمىمىزدى قىسىپ, ٷلكەن ٷمٸتپەن وتىردىق. قانەكەڭ ەكەۋمٸز مايامي قالاسىندا 3 جىل بٸرگە تۇرىپ, بٸر ناندى تالاي بٶلٸستٸك. ەڭبەكقورلىعى مەن ادامگەرشٸلٸگٸمەن ەرەكشەلەنەتٸن باۋىر اعاما ەش مويىما دەگٸم كەلەدٸ. بۇل - ٷلكەن سپورت! جەڭٸس بار جەردە جەڭٸلٸس تە بولارى زاڭدىلىق.
ەلەمگە تانىمال ۇلى بوكسەرلارىمىزدىڭ دا تاريحىندا جەڭٸلٸستٸڭ اششى دەمٸ سەزٸلگەن. وسى كٷنگە جەتۋدٸڭ ٶزٸ دە ٷلكەن جەڭٸس! مۇحيت اسىپ, دەنساۋلىقتى تەۋەكەلگە تٸگٸپ, ەل نامىسىن قورعاۋدىڭ ارتىندا قانشا تەر مەن كٷشتٸڭ جۇمسالاتىنى سەنٸمەن مەن جاقسى تٷسٸنەمٸز. قانەكە باۋىرىم, جەڭٸستٸ كٷندەرٸڭ ەلٸ دە الدا. ەش مويىماي, الداعى جەكپە-جەككە ودان ارى قايراتتى بولىپ ورالاتىنىڭا سەنٸمدٸمٸز! ەلٸڭ سەنٸمەن ەردايىم ماقتانادى", - دەپ جازدى بوكسشى Instagram جەلٸسٸندەگٸ پاراقشاسىندا.
ەسكە سالايىق, 26 اقپاندا قانات يسلام (28-0, 22 كو) ورتا سالماقتاعى WBO Global بەلبەۋٸ ٷشٸن ايقاسىن ٶتكٸزٸپ, كارەراسىندا العاش رەت جەڭٸلدٸ. بۇل ايقاس اقش-تىڭ پلانت-سيتيدەگٸ بوكس كەشٸندە ٶتتٸ. ال قازاق بوكسشىسىنىڭ قارسىلاسى ۇلىبريتانييالىق دجيممي كەللي (25-2, 10 كو) بولدى. ون راۋند قورىتىندىسى بويىنشا تٶرەشٸلەر جەڭٸستٸ بريتانييالىققا بەردٸ.
