الماتىدا ٶتٸپ جاتقان بوكس كەشٸندە قازاقستاندىق بوكسشى جانقوش تۇراروۆ گانالىق ايساك اريەمەن جۇدىرىقتاسىپ, تٶرتٸنشٸ راۋندتا تەحنيكالىق نوكاۋتپەن جەڭٸسكە جەتتٸ.
العاشقى راۋندتا قوس بوكسشى بٸرٸن-بٸرٸ زەرتتەپ, وسال تۇستارىن باعامداپ كٶردٸ. ەكٸنشٸ راۋندتان باستاپ بەلسەندٸلٸك تانىتىپ, ۇرىمتال تۇستى بوس جٸبەرمەۋگە تىرىستى. جەرلەسٸمٸز ٷشٸنشٸ راۋندتان باستاپ بٸرٸنشٸ نٶمٸرمەن جۇدىرىقتاسىپ, قارسىلاسىن تىقسىرا باستادى. جانقوشتىڭ دەل سوققىلارىن كٶتەرە الماعان گانالىق بوكسشى جەكپە-جەكتٸ جالعاستىرا المادى.
جاڭقوش تۇراروۆ وسىعان دەيٸن 19 جەكپە-جەك ٶتكٸزٸپ, بارلىعىندا جەڭٸسكە جەتكەن. ونىڭ 13-ٸن مەزگٸلٸنەن بۇرىن اياقتاعان.
ايتا كەتسەك, بٷگٸنگٸ بوكس كەشٸندە العاش بوپ شارشى الاڭعا كٶتەرٸلگەن قازاقستاندىق كەسٸپقوي بوكسشى جۇمان جۇمابەكوۆ بەلارۋس بوكسشىسى ۆلاديمير يۆانوۆتى ايقىن باسىمدىقپەن جەڭدٸ. ەكٸنشٸ بوپ جۇدىرىقتاسقان ايدار شەرٸباەۆ يسپان بوكسشىسى حۋان وكۋرادان باسىم تٷستٸ.
تاعى بٸر قازاقستاندىق بوكسشى الي احمەدوۆ ەزٸربايجاندىق الي ماممەدوۆتٸ العاشقى راۋندتا ايقىن ۇتتى. ال اسا اۋىر سالماقتا جۇدىرىقتاساتىن رۋسلان مىرساتاەۆ گانالىق ناحۋ ازۋميدٸ العاشقى راۋندتا نوكاۋدقا جٸبەردٸ.
"ۇلت-اقپارات"
