ۇلتتىق قوعامدىق سەنٸم كەڭەسٸنە ٷلكەن ٷمٸت ارتىپ وتىرمىز. مۇنداي پٸكٸردٸ اتالعان كەڭەستٸڭ مٷشەسٸ جەنٸبەك قوجىق مەلٸم ەتتٸ, دەپ حابارلايدى قازاقپارات تٸلشٸسٸ.
«ۇلتتىق قوعامدىق سەنٸم كەڭەسٸ – ول بيلٸك پەن حالىقتىڭ اراسىنداعى التىن كٶپٸر بولادى دەگەن سەنٸمدەمٸن. وعان ٷلكەن ٷمٸت ارتىپ وتىرمىز. سول كەڭەستٸڭ ٸشٸنە كٸرگەننەن كەيٸن مەملەكەتكە دە, حالىققا دا تيٸمدٸ, ماڭىزدى مەسەلەلەردٸ, جوبالاردى ۇسىنىپ ەرٸ تالقىلاپ, كٶپتەگەن زاڭداردىڭ شىعۋىنا, قاجەتتٸ ٶزگەرٸستەردٸڭ بولۋىنا شامامىز كەلگەنشە اتسالىسامىز. باستالعالى جاتقان ٸسٸمٸز سەتتٸ بولادى دەگەن ويدامىز», - دەدٸ جەنٸبەك قوجىق ورتالىق كوممۋنيكاتسييالار قىزمەتٸندە.
وسى ورايدا ول ۇلتتىق قوعامدىق سەنٸم كەڭەسٸنٸڭ جۇمىسىندا مەملەكەتٸمٸزدٸڭ دامۋىنا قاتىستى اۋقىمدى مەسەلەلەر قارالاتىنىن اتاپ ٶتتٸ.
بۇدان بۇرىن حابارلانعانداي, مەملەكەت باسشىسى قاسىم-جومارت توقاەۆ ۇلتتىق قوعامدىق سەنٸم كەڭەسٸ تۋرالى جارلىققا قول قويدى, ايتا كەتەيٸك, ۇلتتىق كەڭەسكە كٸمدەر كٸرگەنٸ بەلگٸلٸ بولدى.
ەسكە سالا كەتسەك, بٷگٸن مەملەكەت باسشىسى قاسىم-جومارت توقاەۆ ۇلتتىق قوعامدىق سەنٸم كەڭەسٸ تۋرالى جارلىققا قول قويدى. سونداي-اق كەڭەستٸڭ قۇرامىنا كٸمدەر ەنگەنٸ بەلگٸلٸ بولدى.
