ورتا سالمياقتاعى قازاقستاندىق بوكسشى جەنٸبەك ەلٸمحانۇلى (8-0, 4كو) الداعى جەكپە-جەگٸنە دايىندىققا قاتىستى مەلٸمەتتەرمەن بٶلٸستٸ, دەپ حابارلايدى "ۇلت اقپارات".
ايتا كەتەيٸك, ج.ەلٸمحانۇلى تانىمال تەلٸمگەر دجەيمس «باددي» ماكگيرتتٸڭ جەتەكشٸلٸگٸمەن كاليفورنييادا جاتتىعادى.
«ەكٸ اپتادا 26 راۋند سپاررينگ جاسادىق. بۇيىرتسا 64 راۋند سپاررينگ قالدى. جەكپە-جەككە دايىندىق جوعارى دەڭگەيدە جٷرٸپ جاتىر. چەمپيوندىق تيتۋلعا جاقىنداپ قالدىق. بٸزگە بوساڭسۋعا ۋاقىت جوق. بارىمىزدى سالىپ جاتىرمىز. قۇداي قالاسا, تاريح جاسايمىز. QAZAQ STYLE», - دەپ جازدى بوكسشى Instagram-داعى پاراقشاسىندا.
جەنٸبەك سوڭعى ايقاسىن ٶتكەن جىلدىڭ قاراشا ايىندا اقش-تىق كاليفورمنييا شتاتى فرەسنو قالاسىندا ٶتكٸزدٸ. ول كانادالىق بوكسشى البەرت ونولۋنوستٸ (24-3-1, 8كو) التىنشى راۋندتا نوكاۋتقا جٸبەرگەن بولاتىن.
ۆكونتاكتە ەلەۋمەتتٸك جەلٸسٸندەگٸ «قازاقستاننىڭ كەسٸپقوي بوكسى» پاراقشاسىندا مەلٸم ەتٸلگەندەي, قازاقستاندىق بوكسشىنىڭ كەلەسٸ جەكپە-جەگٸ قازان ايىندا ٶتۋٸ تيٸس.
