جەڭٸلٸپ كٶرمەگەن قازاقستاندىق بوكسشى جەنٸبەك ەلٸمحانۇلى (10-0, 6 كو) بٷگٸن اقش-تا WBA-دٸڭ ەكس-چەمپيونى روب برانتتى (26-3, 18 كو) جەڭگەننەن كەيٸن ٶز ديۆيزيونىنداعى كٸل مىقتىلاردى جەكپە-جەككە شاقىردى, دەپ حابارلايدى "ۇلت اقپارات".
«جەڭٸستەرٸڭٸز قۇتتى بولسىن, قازاق ەلٸ! اللاعا شٷكٸر! مانسابىمىزدىڭ جاڭا بەلەسٸنە شىقتىق. بٸز مىقتىمىز. بٸزدٸڭ ستيل مىقتى. بۇيىرتسا QAZAQ STYLE-دٸ تاريحتا قالدىرامىز. قولداۋلارىڭىزعا كٶپ راقمەت!», - دەپ جازدى بوكسشى Instagram-داعى پاراقشاسىندا.
سونداي-اق جەنٸبەك Twitter-اككاۋنتىندا چەمپيوندارعا قاراتا اعىلشىن تٸلٸندە تۆيت جازدى.
«چەمپيوندار, قايداسىڭدار? سەندەردٸ نوكاۋتقا جٸبەرگٸم كەلەدٸ», - دەدٸ ول.
ەسكە سالايىق, بٷگٸن اقش-تىڭ لاس-ۆەگاس قالاسىندا ٶتكەن بوكس كەشٸندە جەنٸبەك ەلٸمحانۇلى امەريكالىق روب برانتپەن جەكپە-جەك ٶتكٸزٸپ, جەڭٸسكە جەتتٸ. ول التىنشى راۋندتا قارسىلاسىن نوكداۋنعا جٸبەردٸ. كەيٸن ر.برانت توعىزىنشى راۋندقا شىعۋدان باس تارتتى.
