ەلٸمٸزدە 9,2 ملن ادام رەۆاكتسيناتسييادان ٶتۋٸ كەرەك. بۇل تۋرالى ٷكٸمەت وتىرىسىندا دەنساۋلىق ساقتاۋ مينيسترٸنٸڭ مٸندەتٸن اتقارۋشى جاندوس بٷركٸتباەۆ ايتتى, دەپ حابارلايدى قازاقپارات.
«دٷنيەجٷزٸلٸك دەنساۋلىق ساقتاۋ ۇيىمىنىڭ دەرەكتەرٸ بويىنشا COVID-19-عا قارسى ۆاكتسينا سالۋ ٸس-شاراسى تيٸمدٸلٸگٸن كٶرسەتتٸ. سونىمەن قاتار بٸرقاتار شەتەلدٸك زەرتتەۋلەردٸڭ نەتيجەسٸنە سەيكەس ەكپە العان ادامداردا ينفەكتسييادان قورعاۋ 6 ايدان كەيٸن ورتا ەسەپپەن 1,8 ەسە تٶمەندەيدٸ», - دەدٸ ول.
ونىڭ اتاپ ٶتۋٸنشە, قازٸرگٸ ۋاقىتتا كۆي بويىنشا تۇراقتى ەپيدەميولوگييالىق جاعدايدى ساقتاۋ ٶتە ماڭىزدى. وسىعان بايلانىستى, جەرگٸلٸكتٸ اتقارۋشى ورگاندار حالىققا ۆاكتسيناتسييا جٷرگٸزۋدٸ كٷشەيتۋ كەرەك. جاپپاي رەۆاكتسيناتسييا جٷرگٸزۋدٸ تەزدەتۋ قاجەت.
«رەۆاكتسيناتسيياعا 9,2 ملن ادام جاتادى. ونىڭ ٸشٸندە 400 مىڭنان استام ادام رەۆاكتسيناتسييادان ٶتكەن. رەۆاكتسيناتسييا جاساۋ ٷشٸن ۆاكتسينانىڭ جەتكٸلٸكتٸ كٶلەمٸ بار. وسى جىلعى جەلتوقساننان باستاپ 2022 جىلعى بٸرٸنشٸ توقسان اراسىندا ۆاكتسينانىڭ 5 ملن دوزا جەتكٸزٸلۋٸ جوسپارلاندى», - دەدٸ جاندوس بٷركٸتباەۆ.
