Elimizde 9,2 mln adam revaktsinatsiiadan ótýi kerek. Bul týraly Úkimet otyrysynda Densaýlyq saqtaý ministriniń mindetin atqarýshy Jandos Búrkitbaev aitty, dep habarlaidy QazAqparat.
«Dúniejúzilik densaýlyq saqtaý uiymynyń derekteri boiynsha COVID-19-ǵa qarsy vaktsina salý is-sharasy tiimdiligin kórsetti. Sonymen qatar birqatar sheteldik zertteýlerdiń nátijesine sáikes ekpe alǵan adamdarda infektsiiadan qorǵaý 6 aidan keiin orta eseppen 1,8 ese tómendeidi», - dedi ol.
Onyń atap ótýinshe, qazirgi ýaqytta KVI boiynsha turaqty epidemiologiialyq jaǵdaidy saqtaý óte mańyzdy. Osyǵan bailanysty, jergilikti atqarýshy organdar halyqqa vaktsinatsiia júrgizýdi kúsheitý kerek. Jappai revaktsinatsiia júrgizýdi tezdetý qajet.
«Revaktsinatsiiaǵa 9,2 mln adam jatady. Onyń ishinde 400 myńnan astam adam revaktsinatsiiadan ótken. Revaktsinatsiia jasaý úshin vaktsinanyń jetkilikti kólemi bar. Osy jylǵy jeltoqsannan bastap 2022 jylǵy birinshi toqsan arasynda vaktsinanyń 5 mln doza jetkizilýi josparlandy», - dedi Jandos Búrkitbaev.
