فريستايل-اكروباتيكادان قازاقستان كومانداسىنىڭ ٷزدٸگٸ جانبوتا الدابەرگەنوۆا ٶزٸنٸڭ ٷشٸنشٸ وليمپياداسىندا باق سىنادى. بەيجٸڭدە ول فينالعا شىعا العان جوق. دەسە دە, ول كوماندالاسى اقمارجان قالمۇرزاەۆانىڭ اقتىق سىندا ٶنەر كٶرسەتكەنٸن ماقتان تۇتادى. Olympic.kz سايتىنا سۇحبات بەرگەن سپورتشى وليمپياداداعى ٶنەرٸنە باعا بەردٸ, دەپ حابارلايدى "ۇلت اقپارات".
«كەشەگٸگە قاراعاندا, بٷگٸنگٸ كٷن رايى جاقسى بولدى. قار جاۋعان جوق, كٷننٸڭ كٶزٸ جارقىراپ تۇردى. كەشەگٸ جاتتىعۋ كەزٸندە بٸز ەكٸ رەتتەن سەكٸردٸك. سەنەسٸز بە, بٸزدٸڭ جىلدامدىعىمىز ازايىپ كەتتٸ. مەسەلەن, ٷش اينالىم سەكٸرۋدٸ ورىنداۋ ٷشٸن ساعاتىنا 65 شاقىرىم جىلدامدىقپەن كەلۋ قاجەت. اۋا رايىنىڭ قولايسىزدىعىنا بايلانىستى بۇل جىلدامدىقتى دا الا المادىق. ەگەر جارىستى كەشە ٶتكٸزگەندە, جاراقات كٶپ بولۋشى ەدٸ.
العاشقى مٷمكٸندٸگٸمدە مەن ٶتە باعالى ەلەمەنتتٸ ورىندادىم. ودان دا قيىنداۋ ەلەمەنتتٸ فينالعا ساقتاعان ەدٸم. ٶكٸنٸشكە قاراي, ٸرٸكتەۋدەن ٶتە المادىم. سەكٸرۋدٸ ٶتە كەرەمەت ورىنداسام دا, جەرگە تٷسەردە قاتەلٸك كەتتٸ. ەگەر بەرٸن جاتتىعۋداعىداي ورىنداعاندا فينالعا بٸرٸنشٸ ورىنمەن شىعار ما ەدٸم?! ٶكٸنٸشكە قاراي, بۇلاي بولمادى...
ەكٸنشٸ سەكٸرۋ كەزٸندە سەل وڭايلاۋ ەلەمەنتتٸ ورىندادىم. بەرٸن ەدەمٸ جاساعانىما سەنٸمدٸ ەدٸم. العاشىندا بٸز بٸرٸنشٸ سەكٸرۋدەن سوڭ-اق فينالعا شىعامىز دەپ ويلاعانبىز. جاقسى ورىنداپ شىقتىم, بٸراق تٶرەشٸلەرگە ۇنامادى. نەتيجەسٸندە, وليمپيادانى ەرتە اياقتادىم.
قالمۇرزاەۆانىڭ وليمپيادا فينالىنا شىققانىنا قۋانىشتىمىن. بٸرٸنشٸ مٷمكٸندٸگٸن ول تۋرا ٸرٸكتەۋدەگٸدەي ورىنداپ جاتقان. بٸراق بٸر جەردەن قاتە جٸبەرگەن بولۋى كەرەك. سپورتشى رەتٸندە ونى جاقسى تٷسٸنەمٸن. بۇل – ەلەم كۋبوگٸ ەمەس, بۇل – وليمپيادا. ەكٸنشٸ رەت سەكٸرگەن كەزٸندە تٶرەشٸلەر, تٸپتٸ, تٶمەندەتٸپ تاستادى.
قورىتىندى قانداي بولسا دا, ول بٸرٸنشٸ رەت وليمپيادا فينالىنا شىقتى. سونى ماقتان ەتەمٸن.
بۇل – مەنٸڭ ٷشٸنشٸ وليمپيادام. بٸرٸنشٸ ويىنعا باراردا قورقىنىش بولعان. سەبەبٸ, وليمپيادانىڭ نە ەكەنٸن بٸلمەدٸم. ەكٸنشٸ رەت وليمپياداعا ٷلكەن ٷمٸتپەن اتتاندىم. ٶيتكەنٸ, سوچيدە فينالعا شىقتىم عوي. نەتيجەمدٸ جاقسارتا تٷسكٸم كەلگەن. مەن ويلاعانداي بولمادى. بۇل – سپورت. ٶتە قيىن سپورت تٷرٸ. جىل ٶتكەن سايىن ەرەجەلەر قيىنداي تٷسۋدە. قازٸر ٷش اينالىم سەكٸرۋ ەلەمەنتٸن ورىنداماساڭىز, جارىسقا بارۋدىڭ قاجەتٸ جوق. جالپى العاندا, بٸز – ٶتە مىقتى ەيەلمٸز. بٸزگە جانكٷيەر بولىپ, قولداۋ كٶرسەتكەن جاندارعا العىسىمدى ايتامىن», - دەدٸ سپورتشى.
جانبوتا الدابەرگەنوۆا وليمپيادا ويىندارىن 13-شٸ ساتىدا اياقتادى. اقمارجان قالمۇرزاەۆا تٶرتجىلدىق دوداسىندا 11-شٸ ورىن الدى.
