قازاقستان مۇسىلماندارى دٸني باسقارماسى جانازا نامازى مەن قۇدايى استاردى ٶتكٸزۋدە ساقتالۋى تيٸس تالاپتاردى جارييالادى, دەپ حابارلايدى «ۇلت اقپارات».
«ەلٸمٸزدٸ دٷرلٸكتٸرگەن ٸندەتتٸڭ قاۋپٸ كٷننەن-كٷنگە ٶرشٸپ بارا جاتقانى ٶزدەرٸڭٸزگە مەلٸم. اۋرۋ ايتىپ كەلمەيدٸ. «ساقتانساڭ – ساقتايمىن» دەمەكشٸ, تٶرتكٷل ەلەمگە قاۋٸپ تٶندٸرگەن دەرتكە نەمقۇرايلىق تانىتۋ – ٶزٸمٸز ٷشٸن عانا ەمەس, جانىمىزداعى جانداردىڭ ٶمٸرٸنە دە ەسەرٸن تيگٸزەرٸ حاق», - دەدٸ قمدب-دان.
وسى ورايدا, باسقارما جانازا نامازى مەن قۇدايى استاردى ٶتكٸزۋدە كەلەسٸ تالاپتاردى ۇستانۋعا ٷندەيدٸ:
– جانازا نامازىنا بٸر عانا دٸني قىزمەتكەردٸڭ قاتىسۋى;
– جانازا نامازىنا تەك وتباسى جەنە جاقىن تۋمالارىنىڭ قاتىسۋى;
– جانازاعا جالپى سانى 30 كٸسٸدەن ارتىق جينالماۋ;
– دەنە قىزۋى نەمەسە جٶتەلٸ بار ادامنىڭ جانازا نامازىنا مٷلدە قاتىسپاۋى;
– جانازا نامازىنا كەلۋشٸلەر مٸندەتتٸ تٷردە سانيتارلىق نورمالاردى (بەتپەردە تاعۋ, مەديتسينالىق قولعاپ كييۋ جەنە ەكٸ مەتردەن كەم ەمەس اراقاشىقتىق) ساقتاۋى;
- كوروناۆيرۋستان قايتىس بولعان مەيٸتتٸ دەرٸگەردٸڭ نۇسقاۋلىعىنا ساي جۋۋ;
– جانازا نامازى مەن ۋاعىزدىڭ جالپى ۋاقىتىن 5 مينۋتتان اسىرماۋ;
– جانازا نامازى بارىسىندا قول الىسىپ امانداسپاۋ;
– جانازا نامازىنىڭ سابىن تٷزەگەندە كەمٸندە ەكٸ مەتر قاشىقتىقتى ساقتاۋ;
– قابٸر باسىندا مەيٸت جەر قوينىنا تاپسىرىلعاننان كەيٸن جاماعاتتى تەزدەتٸپ قايتارۋ;
– جاسى ٷلكەن كٸسٸلەر, دەنساۋلىعى ناشار ادامداردىڭ (ەر جەنە ەيەل) جەنە جاس بالالاردىڭ جانازا نامازدارىنا قاتىسپاۋى;
– قوناقاسىن ٶتكٸزبەۋ;
– جانازادان كەيٸنگٸ استى ٶتكٸزبەۋگە نەمەسە وتباسى مٷشەلەرٸمەن شەكتەلۋ.
قۇدايى استارعا (جەتٸسٸ, قىرقى, جٷزٸ, جىلى جەنە تاعى باسقا) قاتىستى كەلەسٸ تالاپتار ورىندالۋى قاجەت:
– استاردى ٶتكٸزبەۋ نەمەسە وتباسى مٷشەلەرٸ مەن جاقىن تۋمالارىمەن شەكتەلۋ;
– بٸر عانا دٸني قىزمەتكەردٸڭ قاتىسۋى;
– سانيتارلىق نورمالاردى (بەتپەردە تاعۋ, مەديتسينالىق قولعاپ كييۋ جەنە اراقاشىقتىق) ساقتاۋ.
«اللا تاعالا قاسيەتتٸ قۇراندا: «ٶز-ٶزدەرٸڭدٸ ٶز قولدارىڭمەن قاۋٸپ-قاتەرگە سالماڭدار», – دەپ ەسكەرتەدٸ. ٶز ٶمٸرٸمٸز بەن دەنساۋلىعىمىز – اللا تاعالانىڭ بٸزگە بەرگەن اماناتى.
اللا ەلشٸسٸ (وعان اللانىڭ سالاۋاتى مەن سەلەمٸ بولسىن) ٶزٸنٸڭ بٸر ٶسيەتٸندە ادام بالاسىنىڭ ٶزٸنە دە, ٶزگەگە دە زييان كەلتٸرۋٸنە قاتاڭ تٷردە تىيىم سالعان.
شاريعاتتا قاندايدا جۇقپالى اۋرۋدىڭ بەلگٸسٸ تاراعان كەزدە اۋرۋدىڭ ەتەك الۋىن توقتاتۋدا كارانتين قاجەت ەكەنٸ اتاپ ايتىلعان. سوندىقتان قازٸرگٸدەي كٶزگە كٶرٸنبەيتٸن زيياندى دەرت تاراعان كەزدە ونىڭ الدىن الۋ – ەربٸر مۇسىلمان بالاسى ٷشٸن مٸندەت», - دەيدٸ قبدم-دان.
ەسكە سالا كەتسەك, بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن مەملەكەتتٸك كوميسسييا وتىرىسىندا 5 شٸلدەدەن باستاپ ەلٸمٸزدە 14 كٷنگە قاتاڭ شەكتەۋ شارالارىن ەنگٸزۋ شەشٸمٸ قابىلداندى.
