مەملەكەت باسشىسى قاسىم-جومارت توقاەۆ قارجىلىق مونيتورينگ اگەنتتٸگٸنٸڭ تٶراعاسى جانات ەليمانوۆتى قابىلدادى, - دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا اگەنتتٸكتٸڭ بيىلعى 7 ايداعى قىزمەتٸ جٶنٸندە ەسەپ بەرٸلدٸ.
پرەزيدەنتكە ۇسىنىلعان مەلٸمەتتەرگە سەيكەس 857 ٸس تەرگەلٸپ, 88 ميلليارد تەڭگە كٶلەمٸندەگٸ زالال ٶتەلدٸ. كٶلەڭكەلٸ ەكونوميكاعا قارسى كٷرەس اياسىندا 33 ۇيىمداسقان قىلمىستىق توپ ۇستالدى. بيۋدجەت قاراجاتىن جىمقىرۋ بويىنشا 132 ٸس تٸركەلٸپ, كەلتٸرٸلگەن زالال 57 ميلليارد تەڭگەدەن اسقان. ونىڭ 53 ميللياردى قايتارىلدى.
ٷكٸمەتپەن بٸرلەسٸپ قابىلدانعان شارالار ارقاسىندا كٶلەڭكەلٸ ەكونوميكانىڭ دەڭگەيٸ سوڭعى 3 جىلدا 23 پايىزدان 19 پايىزعا دەيٸن تٶمەندەدٸ.
قاسىم-جومارت توقاەۆقا جەكە مەنشٸكتٸ قورعاۋ جەنە رەيدەرلٸك فاكتٸلەرگە جول بەرمەۋ ٷشٸن قابىلدانىپ وتىرعان شارالار جٶنٸندە باياندالدى. قازٸرگٸ ۋاقىتتا 8 ٸس تەرگەلٸپ جاتىر. اتاپ ايتقاندا, الماتىدا بيزنەستٸ رەيدەرلٸك باسىپ الۋمەن اينالىسقان قىلمىستىق توپ قۇرىقتالدى. ولار 18 ميلليارد تەڭگەدەن استام زالال كەلتٸرگەن.
سونىمەن قاتار اگەنتتٸك تاراپىنان كوممۋنالدىق قىزمەت سالاسىندا تاريفتەردٸ نەگٸزسٸز كٶتەرۋ فاكتٸلەرٸ انىقتالىپ, 20 مونوپوليستكە قاتىستى 34 قىلمىستىق ٸس قوزعالدى. تۇتىنۋشىلارعا تاريفتٸ ازايتۋ تٷرٸندە 11,6 ميلليارد تەڭگە زالال ٶتەلدٸ.
پرەزيدەنتكە جانار-جاعارماي ماتەريالدارىن زاڭسىز شىعارۋدىڭ الدىن الۋعا قاتىستى تاپسىرمالارىنىڭ ورىندالۋ بارىسى تۋرالى دا اقپارات بەرٸلدٸ. جانات ەليمانوۆتىڭ حابارلاۋىنشا, بۇل سالادا 36 ٸس قوزعالدى. اتاپ ايتقاندا, پاۆلودار, باتىس قازاقستان جەنە تٷركٸستان وبلىستارىندا ٸرٸ سوماداعى جانار-جاعارمايدى زاڭسىز شىعارۋعا جول بەرٸلگەن جوق.
قاسىم-جومارت توقاەۆقا ازىق-تٷلٸك باعاسىن قولدان قىمباتتاتقان جوسىقسىز تاسىمالداۋشىلارعا قاتىستى تەرگەۋ باستالعانى تۋرالى باياندالدى.
مەملەكەت باسشىسىنا قارجى پيراميدالارىنىڭ قىزمەتٸن ەرتە كەزەڭدە انىقتاۋ بويىنشا جٷرگٸزٸلٸپ وتىرعان جۇمىس تۋرالى ايتىلدى. زاڭعا قايشى كەلەتٸن كونتەنتتٸ قامتيتىن 3 مىڭنان استام سايت بۇعاتتالدى. 64 ٸس قوزعالىپ, 7,8 ميلليارد تەڭگە كٶلەمٸندە ايىپپۇل سالىندى.
كەزدەسۋ سوڭىندا پرەزيدەنت بيزنەستٸ جەنە ەل ازاماتتارىنىڭ مٷددەسٸن قورعاۋعا باعىتتالعان بٸرقاتار تاپسىرما بەردٸ.
