پارلامەنت مەجٸلٸسٸنٸڭ جالپى وتىرىسىندا دەپۋتات عالىم ەمٸرەەۆ نەگٸزگٸ ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ باعاسىنىڭ ٶسۋٸ مەسەلەسٸنە قاتىستى قر پرەمەر-مينيسترٸنٸڭ ورىنباسارى رومان سكلياردىڭ اتىنا ساۋال جولدادى, دەپ حابارلايدى قازاقپارات.
«بٷگٸنگٸ تاڭدا بٸزدٸڭ سايلاۋشىلاردى تولعاندىراتىن ماڭىزدى مەسەلەلەردٸڭ بٸرٸ - نەگٸزگٸ ەلەۋمەتتٸك ماڭىزى بار ازىق-تٷلٸك ٶنٸمدەرٸنٸڭ, ەسٸرەسە ناننىڭ باعاسى. بۇل مەسەلە دەپۋتاتتىق ساۋالداردا بٸرنەشە رەت كٶتەرٸلگەنمەن, ەلٸ دە ٶز شەشٸمٸن تاپپاي وتىر. بيىلعى كٶكتەم-جاز ايلارىندا سەبٸز بەن كارتوپ باعاسىنىڭ 500-600 تەڭگەگە دەيٸن ٶسۋٸ ٷلكەن رەزونانس تۋدىردى. الايدا, اۋىل شارۋاشىلىعى مينيسترلٸگٸ تاراپىنان ەشقانداي تۇجىرىم جاسالعان جوق. سوڭعى ۋاقىتتا نەگٸزگٸ ەلەۋمەتتٸك ماڭىزى بار ازىق-تٷلٸك ٶنٸمدەرٸ باعاسىنىڭ ٶسۋٸنە قاتىستى مەسەلەلەر كٶبٸرەك كٶتەرٸلٸپ كەلەدٸ, حالىق باعالاردىڭ رەتتەلمەيتٸنٸنە, تٸپتٸ كەيدە ەرتٷرلٸ بولاتىنىنا شاعىم جاساۋدا. مىسالى, ەڭ تانىمال 1-سۇرىپتى ۇن 150-200 تەڭگە ارالىعىندا ساتىلادى جەنە ودان ەرٸ ٶسۋ ٷردٸسٸ بار. ال ۇن باعاسى جازدىڭ ٶزٸندە 120-130 تەڭگە دەڭگەيٸندە بولدى», - دەدٸ ع. ەمٸرەەۆ.
ونىڭ ايتۋىنشا, بيىل قازاقستاندىق اۋىل شارۋاشىلىعى تاۋارىن ٶندٸرۋشٸلەر ٷشٸن قۇرعاقشىلىق سالدارىنان تٷسٸمنٸڭ تٶمەندٸگٸ ەلەۋلٸ سوققى بولدى. الدىن الا بولجام بويىنشا بٸز 30% - عا دەيٸن ٶنٸمگە قول جەتكٸزە المايمىز.
«سونىمەن قاتار, ۋەكٸلەتتٸ ورگانداردىڭ جاۋاپسىزدىعىنان بٸز جانار-جاعارمايدىڭ, ديزەل وتىنىنىڭ جوعارى باعاسىن بايقايمىز. ليترٸنە 300 تەڭگەگە دەيٸن جەتٸپ, كەي ۋاقىتتا ەلدٸڭ جانارماي بەكەتتەرٸندە تاپشى دا بولىپ قالادى. مۇنىڭ بەرٸ ەكونوميكالىق ديۆەرسيياعا ٶتە ۇقساس, ال بۇل - ەنەرگەتيكا مينيسترلٸگٸنٸڭ جاۋاپكەرشٸلٸگٸ. سونداي-اق, تىڭايتقىشتاردىڭ, اۋىل شارۋاشىلىعى تەحنيكاسى قۇنىنىڭ جىل سايىنعى ٶسۋٸن دە اتاپ ٶتۋ قاجەت. بارلىق وسى فاكتورلار جيىنتىعىندا استىق باعاسىنا ەسەر ەتتٸ. بٸرەۋلەر ٷشٸن جانار-جاعارماي باعاسىنىڭ كٷرت ٶسۋٸ نورماعا, جاۋاپسىزدىق نورماسىنا اينالدى. بۇل ٷنەمٸ, دەلٸرەك ايتقاندا كٶكتەمگٸ ەگٸس جۇمىستارى مەن ەگٸن جيناۋ كەزٸندە ورىن الىپ كەلەدٸ. بۇل تۋرالى دەپۋتاتتار دا بٸرنەشە رەت مەسەلە كٶتەرگەن بولاتىن, بٸراق بۇرىنعى جارتاس سول جارتاس كٷيٸندە, بۇل اۋىلشارۋاشىلىق ماماندارى ٷشٸن ەڭ جاۋاپتى سەتتە قاساقانا جاسالاتىنداي ەسەر قالدىرادى», - دەدٸ دەپۋتات.
«ەگەر جاقىن ارادا بٸز حالىقتى ٷستەلٸندە بولاتىن باستى ٶنٸممەن – قازٸردٸڭ ٶزٸندە باعاسى قارقىنمەن ٶسٸپ جاتقان نانمەن, ماكارونمەن جەنە جارما ٶنٸمدەرٸمەن قامتاماسىز ەتۋ مەسەلەسٸن شەشپەسەك, ونىڭ سالدارى بيىلعى كٶكتەم مەن جاز مەزگٸلٸنە قاراعاندا ودان دا اۋىر بولۋى مٷمكٸن. جوعارىدا باياندالعاندى ەسكەرە وتىرىپ, تاۋار نارىقتارىندا بيدايدىڭ جەتكٸلٸكتٸ كٶلەمٸن ساتىپ الۋ بويىنشا ينتەرۆەنتسييا جٷرگٸزۋ ٷشٸن «ازىق-تٷلٸك كەلٸسٸم شارت كورپوراتسيياسى» اق مەن تۇراقتاندىرۋ قورلارىنا ٷكٸمەت رەزەرۆٸنەن قوسىمشا بيۋدجەت قاراجاتىن بٶلۋ مەسەلەسٸن شەشۋدٸ سۇرايمىز. بۇل كەيٸننەن نان, جارما جەنە ماكارون ٶنٸمدەرٸ باعاسىنىڭ تۇراقتانۋىن قامتاماسىز ەتەتٸن بولادى», - دەدٸ عالىم ەمٸرەەۆ.
