مۇناي ٶنٸمدەرٸن بٶلشەك ساۋدادا ٶتكٸزۋ مەسەلەسٸ, ناقتىراق ايتقاندا جانار-جاعار ماي باعاسى باقىلاۋدا. بۇل تۋرالى بريفينگ بارىسىندا قر ەنەرگەتيكا مينيسترٸ بولات اقشولاقوۆ مەلٸم ەتتٸ, دەپ حابارلايدى قازاقپارات.
مينيستردٸڭ ايتۋىنشا, بٷگٸندە اي-92 بەنزينٸنٸڭ ورتاشا قۇنى – 181, اي-95 – 213, ديزەل وتىنى – 230 تەڭگە.
«بٸز وتىن تاراتۋ جٷيەسٸن جەتٸلدٸرۋدٸ, باعا بەلگٸلەۋمەن اينالىساتىن ٶنٸمسٸز دەلدالداردى جويۋدى ۇسىنامىز. ولار – مۇناي ٶڭدەۋگە دە, ونى تاسىمالداۋعا دا قاتىسپايتىندار, سونداي-اق بۇرىنعىداي مۇناي بازالارى, جانار-جاعار ماي قۇيۋ ستانتسييالارى جوقتار», - دەدٸ ەنەرگەتيكا مينيسترٸ.
سونىمەن قاتار, ول 180 كٷندٸك موراتورييدەن كەيٸن باعانىڭ كٷرت ٶسۋٸنە جول بەرمەۋ ٷشٸن ەنەرگەتيكا مينيسترلٸگٸ مەملەكەتتٸك كٸرٸستەر كوميتەتٸمەن بٸرلەسٸپ, سۇيىتىلعان مۇناي گازىنىڭ ٸشكٸ نارىقتاعى اينالىمىن باقىلاۋعا العانىن اتاپ ٶتتٸ.
بولات اقشولاقوۆ اي-92 جەنە اي-93 بەنزين سۇرىپتارىنىڭ باعاسى جاپپاي قاتتى كٶتەرٸلمەيتٸنٸن, ٶيتكەنٸ مينيسترلٸكتە بۇل مەسەلە زاڭناماعا تٷزەتۋلەر ەنگٸزٸلگەنگە جەنە دەلدالداردى الىپ تاستاعانعا دەيٸن رەتتەلەتٸندٸگٸن تٸلگە تيەك ەتتٸ.
«اي-95, اي-96 جەنە اي-98 پرەميۋم ماركالى بەنزينگە كەلەتٸن بولساق, ونىڭ باعاسى نەگٸزسٸز ٶسپەيدٸ. بۇل ديزەلدٸك وتىنعا دا قاتىستى. بۇل كٷزگٸ جيناۋ ناۋقانى ويداعىداي ٶتۋٸ ٷشٸن جاسالىپ وتىر», - دەدٸ مينيستر.
سونىمەن قاتار, ەنەرگەتيكا مينيسترٸ مۇناي ٶنٸمدەرٸن اۆتوموبيلمەن ەكسپورتتاۋعا تىيىم سالۋ 6 ايعا ۇزارتىلعانىن ەسكە سالدى.
