"ارناۋ" توبىنىڭ ەكس-ەنشٸسٸ جانار حاميتوۆا قايتىس بولدى, دەپ حابارلايدى Sputnik قازاقستان.
بۇل تۋرالى اقپاراتتى تەلەجٷرگٸزۋشٸ اننا دانچەنكو راستادى.
"ەنشٸنٸڭ قايتىس بولعانى تۋرالى اقپارات راس. بۇل اقپاراتتى ماعان جاناردىڭ اعاسى راستادى. ونىڭ ايتۋىنشا, جانار بٷگٸن تاڭعى ساعات 9-دا قاراقارالى ٶڭٸرٸندەگٸ ٶز اۋىلىندا قايتىس بولعان. الايدا نەدەن قايتىس بولعانى بەلگٸسٸز. ول تۋرالى اعاسى ايتقان جوق", - دەدٸ ول.
ەرتٸستٸڭ قايتىس بولعانىن ەنشٸ سيۆي ماحمۋديدٸڭ ٶكٸلٸ دە راستادى.
جانار حاميتوۆا 1989 جىلى قاراعاندى وبلىسى قارقارالى اۋدانىندا دٷنيەگە كەلگەن. جاستايىنان مۋزىكاعا قابٸلەتٸ بايقالعان. 5 جىل دومبىرا ٷيٸرمەسٸنە بارىپ, 8-سىنىپتان ەن ايتا باستاپتى.
2006 جىلى Super Star مەگا جوباسىنا قاتىستى. بۇل جوبادان سوڭ جانار تٷرلٸ مۋزىكالىق توپتاردىڭ قۇرامىندا ٶنەر كٶرسەتتٸ. كەيٸن نۇرجان كەرمەنباەۆپەن بٸرگە "ارناۋ" دۋەتٸنٸڭ ەنشٸسٸ بولدى. 2009 جىلى ول "ارناۋ" دۋەتٸنٸڭ قۇرامىنان بٶلٸنٸپ كەتتٸ.
2019 جىلدىڭ سەۋٸر ايىندا جانار حاميتوۆا "استارلى اقيقات" باعدارلاماسىنا بەرگەن سۇقباتىندا جۇپىنى ٶمٸر سٷرەتٸنٸن, الماتىدا جالعىز پەتەر جالداپ تۇراتىنىن, اراسىندا مەيرامحانادا ىدىس جۋىپ, كٷن كٶرەتٸنٸن ايتقان. باعدارلاما بارىسىندا ەنشٸ ساحناعا ورالعىسى كەلەتٸنٸن دە اتاپ ٶتكەن.
ونىڭ بۇل ارمانىن جٷزەگە اسىرۋعا ەنشٸ سيۆي ماحمۋدي كٶمەكتەسكەن. قازاقستاندىق باق-تاعى مەلٸمەتكە سەيكەس, سيۆي جاناردى ٶز قامقورلىعىنا الىپ, "اياققا تۇرۋىنا كٶمەكتەسكەن". كەيٸن ەنشٸلەردٸڭ اراسىندا تٷسٸنبەستٸك پايدا بولىپتى. مۇنى سيۆي جاناردىڭ اۋىر مٸنەزٸمەن بايلانىستىرعان ەدٸ.
