جاڭاٶزەننٸڭ حالقى سولتٷستٸك ٶڭٸرلەرگە كٶشۋگە قۇلىقسىز. ماڭعىستاۋ وبلىسىنىڭ ەكٸمٸ نۇرلان نوعاەۆ ورتالىق كوممۋنيكاتسييالار قىزمەتٸندە وسىنداي مەلٸمەت ايتتى, دەپ حابارلايدى قازاقپارات.
«جاڭاٶزەن قالاسىنىڭ مىڭداعان حالىقتى اسىراۋ, لايىقتى جالاقىمەن قامتاماسىز ەتۋگە شاماسى جەتپەيتٸنٸ تۋرالى ۋەجدەر بار. قالا تۇرعىندارى سولتٷستٸك ٶڭٸرلەرگە كٶشۋگە قالاي قارايدى? ارنايى باعدارلاما جاساپ, تيٸمدٸ جولدار ۇسىنۋ مەحانيزمدەرٸن قاراستىرىپ جاتىرسىزدار ما?», - دەپ سۇرادى جۋرناليست بريفينگٸدە.
«نەگٸزٸ جاڭاٶزەن قالاسى كەزٸندە وسى اتتاس كەن ورنىنىڭ جانىنداعى ۆاحتالىق كەنت رەتٸندە ۇيىمداستىرىلعان ەلدٸ مەكەن بولاتىن. ول جەردە جوسپار بويىنشا جاڭاٶزەن كەنٸشٸ مەن ماڭىنداعى كەن ورىندارىن يگەرۋ ٷشٸن ارى كەتسە, 60-70 مىڭ ادام تۇرۋى كەرەك. قازٸرگٸ تاڭدا جاڭاٶزەن قالاسىندا, قاسىنداعى ەلدٸ مەكەندەردە 160 مىڭنان استام ادام تۇرادى», - دەدٸ نۇرلان نوعاەۆ.
ايتۋىنشا, قازٸر مۇندا ينفراقۇرىلىمدى, جىلۋ, ەلەكتر جارىعىن جەتكٸزۋ مەسەلەلەرٸ, ەرينە, بٸرتٸندەپ شەشٸلٸپ كەلە جاتىر. دەگەنمەن, قالاداعى حالىقتىڭ بٸر بٶلٸگٸن ەڭبەك كٷشٸ تاپشى ٶڭٸرلەرگە كٶشٸرۋ مەسەلەسٸ ەلٸ دە ٶزەكتٸ.
«سٸز ايتقانداي, ەڭبەك قولى ازداۋ جەرلەرگە كٶشٸرۋ جۇمىستارى جٷرٸپ جاتىر. ٶز تاراپىمنان وسى مٷمكٸندٸكتٸ پايدالانىپ, اتالعان مەسەلەگە الاڭدايتىن ازامات رەتٸندە ٶزٸڭٸزدەن, عالىمداردان, ساراپشىلاردان ۇتىمدى ۇسىنىستار تٷسٸپ جاتسا, قاراۋعا ەزٸر ەكەنٸمدٸ ايتقىم كەلەدٸ.
سولتٷستٸككە كٶشكٸسٸ كەلەتٸن ازاماتتاردىڭ كەدٸمگٸدەي نٶپٸرٸ بار دەپ ايتا المايمىن. سەبەبٸ جاڭاٶزەندە تابيعات جىلى. ول جەردەگٸ تۇرمىستىق جاعداي, كەيبٸرەۋلەرٸنٸڭ جالاقىسى از بولعانىمەن اعايىن-تۋىسپەن توپتاسىپ تۇرۋدى ەدەتكە اينالدىرعان ادامدار كٶپ. جاڭاٶزەندەگٸ 160 مىڭ ادامنىڭ 80 پايىزى ەلٸمٸزگە كەلگەن قانداستاردان قۇرالعان. مەنٸڭ ويىمشا, پسيحولوگييالىق سەنٸم بولۋ ٷشٸن جەنە بۇرىن كٶشٸپ كەلگەن مەملەكەتتەرٸندە توپتاسىپ ٶمٸر سٷرۋگە بەيٸمدەلٸپ قالعاندىقتان بٸر-بٸرٸنە قولداۋ بولامىز دەگەن تٷسٸنٸكپەن الىسقا اجىراپ كەتكٸسٸ كەلمەيتٸن سيياقتى», - دەدٸ وبلىس ەكٸمٸ.
سونداي-اق, ول قازٸر جاڭاٶزەندٸكتەردٸ ٶزگە ٶڭٸرلەرگە كٶشٸرۋ جۇمىستارىنا قوعام بەلسەندٸلەرٸ مەن قوعامدىق ۇيىمدار اينالىسىپ جاتقانىن اتادى.
«بۇل بٸر كٷندٸك شارۋا ەمەس. مىسالى, جاڭاٶزەندە بٸر كەسٸپكەر قوستاناي وبلىسىنداعى 30 ەلدٸ مەكەنگە 130 وتباسى كٶشٸرٸپ اپارعىسى كەلەتٸنٸن ايتىپ, ۇسىنىس قويدى. سول جاقتا جەرٸ بار ەكەن. «الدىلارىنا مال سالىپ بەرەيٸن. 7 جىلعا دەيٸن ەشقانداي قايتارىم تالاپ ەتپەيمٸن. ٷي بەرەيٸن, سول جەردە تۇرىپ جۇمىس ٸستەسٸن» دەگەن شارتىن قويدى. سول 100 ادامدى تابا الماي وتىرمىز.
سولتٷستٸككە كٶشٸرۋ جٶنٸندەگٸ مەملەكەتتٸك باعدارلاما كەزٸندە ماڭعىستاۋدى دا قامتىدى. ول جەرگە بارعان ازاماتتاردىڭ بٸرازى قالىپ, بٸرازى كەرٸ قايتتى. اۋا رايىنىڭ قولايسىزدىعى, قىستىڭ سۋىقتىعى, گازدىڭ جوق بولۋى جاقپاعان», - دەيدٸ ايماق باسشىسى.
