فوتو: قر تجم
جاڭاٶزەن قالاسىندا تۇرعىن ٷيدەگٸ جارىلىستان قازا بولعاندار سانى 4 ادامعا جەتتٸ. ولاردىڭ اراسىندا ٷش جاسار قىز بار. بۇل تۋرالى ماڭعىستاۋ وبلىسىنىڭ ەكٸمٸ نۇرلان نوعاەۆ مەلٸمدەدٸ, دەپ حابارلايدى "ۇلت اقپارات".
وبلىس ەكٸمٸ جاڭاٶزەندەگٸ جاعدايعا بايلانىستى شۇعىل بريفينگ ٶتكٸزدٸ.
ونىڭ ايتۋىنشا, بٷگٸن تاڭەرتەڭ ەلوردا ۋاقىتىمەن تاڭعى 05:04-تە جاڭاٶزەن قالاسى شۇعىلا اۋدانىندا 51-ٷيدە جارىلىس بولعانى تۋرالى حابار تٷسكەن.
"ەكٸقاباتتى ٷيدٸڭ وڭ قاپتالى, ەكٸنشٸ كٸرەبەرٸندە جارىلىس بولدى. العاشىندا گاز باللونى جارىلعان دەگەن بولجام بولدى, ال قازٸر مامانداردىڭ تەكسەرٸسٸنەن كەيٸن گاز باللونى ەمەس, گاز قوسپاسىنىڭ جارىلۋى ىقتيمال دەگەن بولجام بار", - دەدٸ نوعاەۆ.
جالپى تج سالدارىنان 17 ادام زارداپ شەككەن, سونىڭ ٸشٸندە 4 ادام قازا تاپتى: بٸر ەر ادام, ەكٸ ەيەل جەنە ٷش جاسار قىز.
ٷش ادام جاڭاٶزەن قالاسىنىڭ ەمحاناسىندا جانساقتاۋ بٶلٸمٸندە, تاعى ٷش ادام تراۆماتولوگييا بٶلٸمٸندە جاتىر. قالعاندارى دەرٸگەرلەردٸڭ تەكسەرٸسٸنەن كەيٸن ٷيلەرٸنە جٸبەرٸلگەن.
تٶتەنشە جاعدايعا بايلانىستى ۆەدومستۆوارالىق كوميسسييا قۇرىلعان. ول جارىلىس سەبەپتەرٸ مەن ونىڭ سالدارىن جويۋ جۇمىسىمەن اينالىسادى.
سونداي-اق, تج فاكتٸسٸ بويىنشا قىلمىستىق ٸس قوزعالدى.
ٶڭٸر باسشىسى ٶز سٶزٸندە جارىلىستان قازا بولعانداردىڭ وتباسى مەن جاقىندارىنا كٶڭٸل ايتتى. سونداي-اق ول زارداپ شەككەن تۇرعىندارعا باسپانا جەنە باسقا دا قولداۋ كٶرسەتۋدٸ ەكٸمدٸك ٶز جاۋاپكەرشٸلٸگٸنە الاتىنىن اتاپ ٶتتٸ.
