16 قازاندا ماڭعىستاۋ وبلىسى جاڭاٶزەن قالاسىندا دەستٷرلٸ ساداق اتۋدان تۇڭعىش رەسپۋبليكالىق چەمپيونات ٶتتٸ, دەپ حابارلايدى "ۇلت اقپارات".
چەمپيوناتتىڭ ماقساتى – دەستٷرلٸ ساداق اتۋ ٶنەرٸن ناسيحاتتاۋ, ياعني ونى قازاقتىڭ ۇلتتىق سپورتتىق ٶنەرٸ رەتٸندە دامىتۋ.
چەمپيونات قازاقستان رەسپۋبليكاسىنىڭ ۇلتتىق سپورت تٷرلەرٸ قاۋىمداستىعى مەن دەستٷرلٸ ساداق اتۋ فەدەراتسيياسىنىڭ ۇيىمداستىرۋىمەن ٶتتٸ.
تۇڭعىش رەسپۋبليكالىق چەمپيوناتقا قازاقستاننىڭ بارلىق ٶڭٸرلەرٸنەن 170-كە جۋىق سپورتشى قاتىستى. چەمپيونات جاسٶسپٸرٸمدەر (7-17 جاس ارالىعى), جاستار (18-24) جەنە ەرەسەكتەر (+24) اراسىندا ٶتتٸ. ەرلەر مەن ەيەلدەر كاتەگوريياسى بٶلەك.
ساداقشىلار 10 مەتردەن 75 مەترگە دەيٸنگٸ قاشىقتىققا ارنالعان وليمپ, جامبى, پۋتا, قىرعىز (ورتا ازييا), قازاق (جامبى) دەگەن نىسانا تٷرلەرٸ بويىنشا مەرگەندٸك شەبەرلٸكتەرٸن سىناستى.
جالپى كوماندالىق ەسەپتە بٸرٸنشٸ ورىندى شىمكەنت قالاسىنىڭ قۇراماسى ەنشٸلەپ, 1 ملن تەڭگە كٶلەمٸندە جٷلدەاقى الدى. ەكٸنشٸ جەنە ٷشٸنشٸ ورىنداردى اباي جەنە جەتٸسۋ وبلىستارىنىڭ كوماندالارى الدى.
جەكە ەسەپتە ەربٸر فورماتتا بٸر-بٸر جەڭٸمپازدان انىقتالىپ, ەرقايسىسى 100 000 تەڭگە كٶلەمٸندە جٷلدەاقىعا قول جەتكٸزدٸ.
تۇڭعىش رەت ۇيىمداستىرىلىپ وتىرعان رەسپۋبليكالىق چەمپيوناتتىڭ جالپى جٷلدە قورى 9 750 000 تەڭگەنٸ قۇرادى.
ساداق – بەيبٸت زاماندا اڭشىلىقتىڭ, جاۋگەرشٸلٸك زاماندا – قورعانىستىڭ قۇرالى بولعان. ال 19 عاسىردان باستاپ ساداق اتۋ سپورتتىق ٶنەرگە اينالدى. بيىلدان باستاپ قازاقستاندا دەستٷرلٸ ساداق اتۋ سپورت تٷرٸ رەتٸندە رەسمي تٷردە بەكٸتٸلدٸ.
