فوتو: Polisia.kz
قىزىلوردا وبلىسىندا زاڭدى تالاپقا باعىنباي, كٶلٸگٸمەن پوليتسييا قىزمەتكەرلەرٸن 500 مەترگە سٷيرەي جٶنەلگەن جٷرگٸزۋشٸ قاماۋعا الىندى, دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
8 تامىزدا جاڭاقورعان اۋداندىق پوليتسييا بٶلٸمٸنٸڭ پاترۋلدٸك قىزمەتكەرلەرٸ ايماقتى ارالاۋ بارىسىندا جولدا جٷرۋ ەرەجەلەرٸن بۇزعان كٶلٸك جٷرگٸزۋشٸسٸن توقتاتقان. پوليتسييا قىزمەتكەرلەرٸ زاڭ شەڭبەرٸندە كٶلٸك جٷرگٸزۋشٸسٸنە اۆتوكٶلٸكتەن تٷسٸپ, قۇجاتتارىن كٶرسەتۋٸن سۇراعان ۋاقىتتا جٷرگٸزۋشٸ ولاردىڭ زاڭدى تالابىنا باعىنباي, وقيعا ورنىنان “ٸزٸن سۋىتپاق” بولعان.
كٶلٸك جٷرگٸزۋشٸسٸ دٶرەكٸلٸك تانىتىپ, ٶزٸن ٶتە اگرەسسيۆتٸ ۇستاعان. قارسىلىق كٶرسەتكەننەن بٶلەك ول كٶلٸگٸنٸڭ مەملەكەتتٸك نٶمٸرٸن شەشٸپ الىپ, كٶلٸكتٸ توقتاتۋ ماقساتىندا ەرەكەتتەنگەن پوليتسييا قىزمەتكەرلەرٸن كٶلٸگٸمەن 500 مەترگە دەيٸنگٸ قاشىقتىققا سٷيرەي جٶنەلگەن. سونىڭ سالدارىنان پوليتسييا قىزمەتكەرلەرٸ تٷرلٸ دەرەجەدەگٸ جاراقاتتار العان.
"اتالعان دەرەك بويىنشا قر قك-نٸڭ 380-بابىنىڭ 4-بٶلٸگٸ 1-تارماعىنا (بيلٸك ٶكٸلٸنە قاتىستى قورقىتۋ نەمەسە كٷش كٶرسەتۋ ەرەكەتتەرٸ) سەيكەس سوتقا دەيٸنگٸ تەرگەپ-تەكسەرۋ ەرەكەتتەرٸ جٷرگٸزٸلٸپ جاتىر. تيٸستٸ ساراپتامالار تاعايىندالدى.
كٶلٸك جٷرگٸزۋشٸسٸ جاڭاقورعان اۋداندىق پوليتسييا بٶلٸمٸنٸڭ ۋاقىتشا ۇستاۋ يزولياتورىنا قامالدى. اۆتوكٶلٸك ايىپ الاڭىنا قويىلدى.
جوعارىدا اتالعان باپ بويىنشا كٷدٸكتٸ ٷش جىلدان جەتٸ جىلعا دەيٸنگٸ مەرزٸمگە باس بوستاندىعىنان ايىرۋ تٷرٸندەگٸ جازاعا تارتىلۋى مٷمكٸن. قازٸرگٸ ۋاقىتتا پوليتسەيلەرگە قارسىلىق كٶرسەتۋ, كٷش قولدانۋ دەرەكتەرٸنە قاتىستى قىلمىستىق ٸستەردٸڭ اقتالمايتىن نەگٸزدە قىسقارتۋ تەجٸريبەسٸ توقتاتىلعاندىعىن ەسكەرتەمٸز, – دەدٸ قىزىلوردا وبلىسى پوليتسييا دەپارتامەنتٸنٸڭ باستىعى ماحسۋدحان ابلازيموۆ.
ايتا كەتەتٸن جايت, جىل باسىنان قىزىلوردا وبلىسىندا پوليتسەيلەرگە قارسىلىق كٶرسەتۋدٸڭ 6 دەرەگٸ بولعان. ەربٸر ٸس بويىنشا زاڭ شەڭبەرٸندە تيٸستٸ شەشٸم قابىلدانعان.
