قىزىلوردا وبلىسى جاڭاقورعان اۋدانىندا قار استىندا قالىپ قويعان 50-گە جۋىق ۋاق مالى قىرىلدى, دەپ حابارلايدى "ۇلت اقپارات".
تابيعاتتىڭ توسىن قۇبىلىسى 14 ناۋرىزدا اۋداننىڭ تاۋ بەتكەيٸندە ورنالاسقان سٷتتٸقۇدىق, قوسٷيەنكٸ, قىراش اۋىلدىق وكرۋگتەرٸندەگٸ شارۋا قوجالىقتارىنا ەدەۋٸر شىعىن الىپ كەلدٸ. تەكسەرٸس جۇمىستارىنىڭ بارىسىندا 50-گە جۋىق قويدىڭ قىرىلعانى انىقتالدى.
«تابيعاتتىڭ تٶتەنشە جاعدايىنا بايلانىستى جاڭاقورعان اۋدانىنىڭ ازاماتتىق قورعاۋ گارنيزونىنان 6 قىزمەتكەر, 1 تەحنيكا, اۋدان ەكٸمدٸگٸنەن 8 قىزمەتكەر, 4 تەحنيكا جۇمىلدىرىلدى. قازٸر اتالعان ماقساتتا ارنايى كوميسسييا قۇرىلدى», - دەدٸ وبلىستىق تٶتەنشە جاعدايلار دەپارتامەنتٸ باستىعىنىڭ مٸندەتٸن اتقارۋشى رۋسلان قايراقباەۆ.
ناۋرىز ايىنىڭ 12-13 ناۋرىز ارالىعىندا جاڭاقورعان, شيەلٸ اۋداندارىندا اۋا رايى كٷرت قۇبىلدى. بۇل جولداعى قوزعالىسقا بٸرشاما قيىندىق الىپ كەلگەن.
«وسىنداي جاعدايعا بايلانىستى ۇزىندىعى 246 شاقىرىمدى قۇرايتىن «قىزىلوردا-تٷركٸستان» اۆتوجولى ەكٸ مەرتە جابىلدى. شيەلٸ, جاڭاقورعان اۋدانىندا 11 تەحنيكا جۇمىلدىرىپ, تازالاۋ جۇمىستارى جٷرگٸزٸلۋدە. قازٸر كٶلٸك قوزعالىسىنا كەدەرگٸ جوق. اپاتتىق جاعداي بولعان جوق», - دەدٸ «قازاۆتوجول» ۇق»اق قىزىلوردا وبلىستىق فيليالىنىڭ بٶلٸم باسشىسى نۇرلىبەك ٷسەنوۆ.
