ەلوردادا جەلتوقسانداعى مەرەكەگە وراي قالانى بەزەندٸرۋ تەرتٸبٸ بەكٸتٸلدٸ. سوعان سەيكەس جاڭا جىلعا دايىندىق تەۋەلسٸزدٸك كٷنٸن مەرەكەلەگەننەن كەيٸن باستالادى. بۇل تۋرالى استانا ەكٸمٸ ەسەت يسەكەشەۆ قالالىق ەكٸمدٸكتە ٶتكەن اپپارات جينالىسىندا مەلٸمدەدٸ, دەپ حابارلايدى ەلوردا ەكٸمدٸگٸنٸڭ مەديا ورتالىعى.
مەملەكەتتٸك جەنە ۇلتتىق مەرەكەلەر - قازاقستان رەسپۋبليكاسىنىڭ تۇڭعىش پرەزيدەنتٸ كٷنٸن, قازاقستان رەسپۋبليكاسىنىڭ تەۋەلسٸزدٸك كٷنٸن جەنە جاڭا جىلدى ەلوردانىڭ اۋماعىندا مەرەكەلەۋ اياسىندا قالانى بەزەندٸرۋ تۋرالى استانا ەكٸمٸ ەسەت يسەكەشەۆتٸڭ تاپسىرماسىن ورىنداۋ ماقساتىندا جۇمىسى جٷرگٸزٸلۋدە.
ال ەلٸمٸزدٸڭ باستى مەرەكەسٸ - تەۋەلسٸزدٸك كٷنٸنە ارنالعان بەزەندٸرۋ جۇمىستارى 12 جەلتوقساندا باستالادى. اتاۋلى مەرەكە كەزٸندە استانانى 1280 جالاۋ, 2 جالاۋشا پاننوسى, 64 ساياباق ەلەمەنتٸ جەنە جارىق اسپانىڭ 1 جيىنتىعى سەندەيدٸ دەپ جوسپارلانىپ وتىر. سونداي-اق, وتان قورعاۋشىلار مونۋمەنتٸندەگٸ سۋ بۇرقاقتاردىڭ ورنىنا جارىق ديودتى ينستالياتسييالار ورناتىلادى. جارىق فونتانى مەتالل كاركاسىنىڭ نەگٸزٸندە جاسالادى. كونسترۋكتسييانىڭ بيٸكتٸگٸ 3,5 مەتردٸ قۇرايدى. جارىقتاندىرۋ اق جەنە كٶك تٷستە بولادى.
جاڭا جىلعا دايىندىق تەۋەلسٸزدٸك كٷنٸن مەرەكەلەگەننەن سوڭ عانا, ياعني 18 جەلتوقساندا باستالادى. ول ماقساتتا شاھاردا 25 جاڭا جىلدىق شىرشا, 12 حوككەي الاڭى, 15 مۇز ايدىنى, 10 مۇز تٶمپەشٸگٸ, 2 مۇز قالاشىعى («Astana ەحPO-2017» ۇلتتىق كومپانياسى» اق اۋماعىندا جەنە استانا قالالىق ەكٸمدٸگٸ عيماراتى الدىنداعى الاڭدا) بوي كٶتەرەدٸ. بۇعان قوسا 2 جارىق پاننوسى, 18 جارىق يلليۋميناتسيياسى, 52 جارىق يلليۋميناتسييالىق اركاسى, 830 پانەل-كرونشتەين, 106 كسپ, 5 كٶپٸر مەن كٶلٸك جولايرىعى ورناتىلاتىن بولادى. 3300 شاعىن جەنە ورتا بيزنەس نىساندارىنىڭ قاسبەتٸ, 255 اعاش, 2 قالا ساياباعى مەن 1 گٷلزار بەزەندٸرٸلەدٸ.
كەسٸپكەرلٸك جەنە ٶنەركەسٸپ باسقارماسىنىڭ اقپاراتىنا سەيكەس, شوب كەسٸپكەرلٸكتەرٸ ٶز ەركٸمەن قالادا ەلۋدەن استام شىرشانى ورناتاتىن بولادى. ەلورداداعى «كەرۋەن», «راحمەت», «حان شاتىر», «سارىارقا» سيياقتى ويىن-ساۋىق ورتالىقتارى شىرشالاردى ورناتىپ, بەزەندٸرۋ شارالارىن باستاپ كەتكەن.
ايتا كەتەيٸك, سوڭعى ۋاقىتتا ەلەۋمەتتٸك جەلٸلەردە قالاداعى جەكەلەگەن نىسانداردىڭ جاڭا جىلعا دايىندىعى مەن تەۋەلسٸزدٸك كٷنٸن ەلەۋسٸز قالدىرعانىنا قاتىستى بٸرقاتار پٸكٸرتالاس تۋىنداعان بولاتىن. وسىعان وراي استانا ەكٸمٸ ٶز ويىن بٸلدٸردٸ.
«جاڭا جىلدىق شىرشالاردى تەۋەلسٸزدٸك كٷنٸن اتاپ ٶتكەن سوڭ, 18 جەلتوقساننان باستاپ ورناتامىز دەپ جوسپارلاعان ەدٸك. كەيبٸر جەكەلەگەن نىساندار شىرشا ورناتىپ, ونى بەزەندٸرە باستادى. بۇعان قاتىستى نارازىلىق بٸلدٸرگەندەر بار. تەۋەلسٸزدٸك كٷنٸ ەلٸمٸزدٸڭ باستى مەرەكەسٸ بولعاندىقتان, باسىمدىلىق سول مەرەكەگە بەرٸلەدٸ. شاعىن جەنە ورتا بيزنەس نىساندارى قالانىڭ مەرەكەلٸك بەزەندٸرۋٸن قاتاڭ ۇستاناتىن بولسىن. تەۋەلسٸزدٸك كٷنٸندە سالتاناتتى جەنە مەرەكەلٸك شارالار ٶتەدٸ. ونىڭ اراسىندا كاراتە-كيوكۋشينكايدان Kazakhstan Open, ٷستەل تەننيسٸنەن «Seamaster 2017 ITTF World Tour GrandFinal» تۋرنيرٸ, «كٷي قاينارى» VI كٷي تارتىس, قر تەۋەلسٸزدٸك كٷنٸنەن ارنالعان «تەۋەلسٸزدٸگٸم - تەڭدٸگٸم, ەگەمەندٸگٸم - ەلدٸگٸم!» اتتى جاس اقىندار ايتىسى, كٸتاپ كٶرمەسٸ مەن قازاقستاندىق ەسترادا ٶكٸلدەرٸنٸڭ قاتىسۋىمەن دەستٷرلٸ كونتسەرتتەر ٶتەدٸ», - دەدٸ استانا ەكٸمٸ ەسەت يسەكەشەۆ قالالىق ەكٸمدٸكتە ٶتكەن اپپارات جينالىسىندا.
سونىمەن بٸرگە, ەلوردا ەكٸمٸ اۋدان ەكٸمدەرٸ مەن كەسٸپكەرلٸك جەنە ٶنەركەسٸپ باسقارماسىنىڭ باسشىسىنا شاعىن جەنە ورتا بيزنەس ٶكٸلدەرٸنە قالانى مەرەكەلٸك بەزەندٸرۋگە قاتىستى بەكٸتٸلگەن جوسپارىن ۇستانۋ تۋرالۋ تٷسٸندٸرمە جۇمىستارىن جٷرگٸزۋگە تاپسىرما جٷكتەدٸ. ياعني, جاڭا جىلعا دايىندىق تەۋەلسٸزدٸك كٷنٸ اتاپ ٶتكەننەن سوڭ عانا باستالادى.
