قر دەنساۋلىق ساقتاۋ مينيسترلٸگٸ سانيتارلىق-ەپيدەميولوگييالىق باقىلاۋ كوميتەتٸنٸڭ تٶراعاسى ايجان ەسماعامبەتوۆا جاڭا جىلدان كەيٸن ەلٸمٸزدەگٸ ەپيدەميولوگييالىق احۋالعا بولجام جاسادى, دەپ حابارلايدى قازاقپارات تٸلشٸسٸ.
«بارلىق بولجام بٸزدٸڭ جٷرٸس-تۇرىسىمىزعا بايلانىستى. ەلٸمٸزدە ورىن الاتىن احۋالدى ٶزٸمٸز قالىپتاستىرامىز. ەڭ الدىمەن ۆاكتسيناتسييا الۋىمىز كەرەك. ونى ەستەن شىعارماۋىمىز ەرٸ ۇجىمدىق يممۋنيتەت قالىپتاستىرۋعا قاراي ٸلگەرٸلەۋ بەرۋدٸ جالعاستىرۋمىز قاجەت. بٷگٸندە ول اۋىرىپ تۇرعانداردى ەسەپكە العاندا شامامەن 50 پايىزدى قۇرايدى», - دەدٸ كوميتەت تٶراعاسى «BaigeNews» Youtube ارناسىندا ٶتكەن سۇحبات بارىسىندا.
سونىمەن قاتار ول بۇعان دەيٸن ۆاكتسيناتسييا العاندار رەۆاكتسيناتسييا الۋى قاجەتتٸگٸن دە باسا ايتتى.
«قازٸرگٸ ۋاقىتتا يممۋندىق قورعانىسىمىز تٶمەندەگەن جاعدايدا قوسىمشا دوزا الۋىمىز قاجەت. بۇعان قوسا, ەلەۋمەتتٸك اراقاشىقتىقتى, ماسكا تاعۋدى ەستەن شىعارماعان جٶن. سونىمەن قاتار ادامدار كٶپ جينالاتىن جەرگە مٷمكٸندٸگٸنگە قارماعانىمىز دۇرىس», - دەدٸ ايجان ەسماعامبەتوۆا.
