QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova Jańa jyldan keiin elimizdegi epidemiologiialyq ahýalǵa boljam jasady, dep habarlaidy QazAqparat tilshisi.
«Barlyq boljam bizdiń júris-turysymyzǵa bailanysty. Elimizde oryn alatyn ahýaldy ózimiz qalyptastyramyz. Eń aldymen vaktsinatsiia alýymyz kerek. Ony esten shyǵarmaýymyz ári ujymdyq immýnitet qalyptastyrýǵa qarai ilgerileý berýdi jalǵastyrýmyz qajet. Búginde ol aýyryp turǵandardy esepke alǵanda shamamen 50 paiyzdy quraidy», - dedi komitet tóraǵasy «BaigeNews» Youtube arnasynda ótken suhbat barysynda.
Sonymen qatar ol buǵan deiin vaktsinatsiia alǵandar revaktsinatsiia alýy qajettigin de basa aitty.
«Qazirgi ýaqytta immýndyq qorǵanysymyz tómendegen jaǵdaida qosymsha doza alýymyz qajet. Buǵan qosa, áleýmettik araqashyqtyqty, maska taǵýdy esten shyǵarmaǵan jón. Sonymen qatar adamdar kóp jinalatyn jerge múmkindiginge qarmaǵanymyz durys», - dedi Aijan Esmaǵambetova.
