جاڭا زەلاندييا سوتى ەكٸ مەشٸتتە 51 ادامدى اتىپ ٶلتٸرگەن برەنتون تاررانتتى ٶمٸر بويى باس بوستاندىعىنان ايىرۋ جازاسىنا كەستٸ. ول ەل تاريحىندا وسىنداي ٷكٸم شىعارىلعان العاشقى ادام بولدى.
اۆسترييانىڭ 29 جاستاعى ازاماتى برەنتون تاررانت 51 ادامدى ٶلتٸرٸپ, تاعى 40 ادامدى ٶلتٸرمەك بولعانى جەنە لاڭكەستٸك ەرەكەت جاساعانى ٷشٸن ايىپتى دەپ تانىلدى, دەپ حابارلايدى ۆۆس اگەنتتٸگٸ.
سۋديا ونىڭ ەرەكەتتەرٸن «ايۋاندىق» دەپ اتادى.
بىلتىر ناۋرىز ايىندا تٸكەلەي ەفير ارقىلى كٶرسەتٸلگەن مەشٸتتەگٸ شابۋىل بٷكٸل ەلەمدٸ دٷرلٸكتٸردٸ.
تاررانتقا قاتىستى سوت ٷكٸمٸ جاڭا زەلاندييا تاريحىندا لاڭكەستٸككە قاتىستى العاشقى ايىپتاۋ ٷكٸمٸ بولعان. ەلدٸڭ ەدٸل سوت جٷيەسٸندە ٶلٸم جازاسى قولدانىلمايدى. بۇل قىلمىستان كەيٸن جاڭا زەلاندييادا قارۋ تۋرالى قاتاڭ زاڭدار شىعارىلدى.
تاررانت سوت ٷكٸمٸن شىعارۋعا قاتىسۋدان باس تارتتى.
سوت ٷكٸمٸن تىڭداۋ دٷيسەنبٸ كٷنٸ باستالدى, العاشقى ٷش كٷن جەبٸرلەنۋشٸلەردٸ تىڭداۋعا ارنالعان.
بۇعان دەيٸن حابارلانعانداي, كٷدٸكتٸ ەر ادام ٶتكەن جىلدىڭ ناۋرىز ايىندا ەكٸ مەشٸتكە شابۋىل جاساعان.
ول ەۋەلٸ ەل-نۇر مەشٸتٸندە وق جاۋدىرا باستادى. 30 cەكۋند ٶتكەن سوڭ, كٶلٸگٸنە قايتىپ ورالعان ول باسقا قارۋ الىپ, مەشٸتتٸڭ ٸشٸندەگٸ ادامدارعا قايتا وق جاۋدىرعان. بۇل شابۋىل Facebook ەلەۋمەتتٸك جەلٸسٸندەگٸ تٸكەلەي ەفير ارقىلى كٶرسەتٸلگەن.
ودان كەيٸن تاررانت لينۆۋد يسلام ورتالىعىنا بارىپ, وندا كٶشەدە جٷرگەن ەكٸ ادامعا وق اتىپ, ودان كەيٸن تەرەزەلەرگە وق جاۋدىردى.
قاماۋعا الىنعان تاررانت پوليتسيياعا ونىڭ جوسپارى ەۋەلٸ شابۋىل جاساپ, ودان كەيٸن مەشٸتتەردٸ ٶرتەپ جٸبەرۋ بولعانىن ايتتى.
قىلمىسكەردٸڭ تاعى بٸر مەشٸتكە شابۋىل جاساماق بولعانى, بٸراق جولدا پوليتسييا قىزمەتكەرلەرٸنٸڭ قولىنا تٷسكەنٸ حابارلانىپ وتىر.
