مەجٸلٸس تٶراعاسى نۇرلان نىعماتۋلين پالاتا وتىرىسىندا "قازاقستان رەسپۋبليكاسىنىڭ بيولوگييالىق قاۋٸپسٸزدٸگٸ تۋرالى" زاڭ جوباسىنىڭ ماڭىزى مەن ٶزەكتٸلٸگٸ تۋرالى ايتتى, - دەپ حابارلايدى Tengrinews.kz.
زاڭ جوباسى بٸرٸنشٸ وقىلىمدا ماقۇلداندى.
"زاڭ جوباسى مەملەكەت باسشىسى قاسىم-جومارت كەمەلۇلى توقاەۆتىڭ تاپسىرماسىمەن ەزٸرلەنگەن. ول ەلٸمٸزدە بيوقاۋٸپسٸزدٸكتٸ قامتاماسىز ەتۋگە ارنالعان. بۇل زاڭنىڭ قابىلدانۋى بٷكٸل ەلەمدەگٸ ەپيدەميولوگييالىق جاعدايعا بايلانىستى, ەسٸرەسە, كوروناۆيرۋس پاندەميياسى كەزٸندەگٸ شۇعىل قاجەتتٸلٸكتەن تۋىندادى. بۇل جاعداي قاۋٸپتٸ بيوفاكتورلاردىڭ سالدارىن جويۋ ٷشٸن جەدەل ەرەكەت ەتۋ شارالارىن قابىلداۋعا دايىن بولۋ ماڭىزدى ەكەنٸن كٶرسەتتٸ", - دەدٸ نۇرلان نىعماتۋلين.
زاڭ جوباسى بيولوگييالىق قاۋٸپسٸزدٸك سالاسىنداعى مەملەكەتتٸك ساياساتتى ٸسكە اسىرۋدىڭ بٸرىڭعاي جٷيەسٸن قالىپتاستىرۋعا, مەملەكەتتٸك ورگانداردىڭ ٶكٸلەتتٸكتەرٸن ناقتى اجىراتۋعا جەنە ولاردىڭ قىزمەتٸن ٷيلەستٸرۋگە مٷمكٸندٸك بەرەدٸ. سونىمەن قاتار, جالپى تالاپتاردى بٸرٸزدەندٸرۋ جەنە پاتوگەندٸ بيولوگييالىق اگەنتتەردٸڭ اينالىمى بويىنشا بٸرىڭعاي ستاندارتتاردى ەنگٸزۋ, سونداي-اق, ەلدٸڭ بيوقاۋٸپسٸزدٸك سالاسىندا مونيتورينگ, بولجاۋ جەنە مودەلدەۋ جٷرگٸزۋ قاجەت.
"بۇل زاڭ جوباسى قازاقستاندا بيولوگييالىق قاۋٸپسٸزدٸكتٸ قامتاماسىز ەتۋدٸڭ جاڭا مودەلٸن قۇرۋ ٷشٸن قۇقىقتىق نەگٸز بولادى ەرٸ ازاماتتار مەن قورشاعان ورتانى قورعاۋعا باعىتتالادى", - دەدٸ مەجٸلٸس سپيكەرٸ.
دەپۋتاتتار وسى زاڭ جوباسىن تالقىلاۋ بارىسىندا بيولوگييالىق قاۋٸپسٸزدٸك سالاسىنداعى بٸرىڭعاي مەملەكەتتٸك اقپاراتتىق جٷيە دەرەكتەرٸ مەسەلەلەرٸنە, مەملەكەتتٸك اقپاراتتىق جٷيەلەردٸ زاڭدى تۇلعالاردىڭ, ونىڭ ٸشٸندە جەكە تۇلعالاردىڭ اقپاراتتىق جٷيەلەرٸمەن ينتەگراتسييالاۋ كەزٸندە تۋىنداۋى مٷمكٸن ماڭىزدى اقپاراتتىڭ جارييا ەتٸلۋٸ نەمەسە جوعالىپ كەتۋٸنە قاتىستى مەسەلەلەرگە ەرەكشە نازار اۋداردى.
نۇرلان نىعماتۋلين اقپاراتتىق جٷيەلەردٸ بٸرٸكتٸرگەننەن كەيٸن دەرەكتەر قورىنا قول جەتكٸزە الاتىن ۇيىمدار قولجەتٸمدٸلٸگٸ شەكتەۋلٸ جٷيەنٸ ەنگٸزۋٸ تيٸس ەكەنٸن ايتتى. سونىمەن قاتار, ول دەنساۋلىق ساقتاۋ مينيسترٸنە بيولوگييالىق قاۋٸپسٸزدٸك سالاسىنداعى بٸرىڭعاي مەملەكەتتٸك اقپاراتتىق جٷيەنٸ قۇرۋ بارىسىن جەكە باقىلاۋعا الۋ قاجەت ەكەنٸ تۋرالى مەلٸمدەدٸ.
