امەريكالىق استروناۆت كريستينا كۋك عارىشتا ەڭ ۇزاق ۋاقىت بولعان ەيەلدەر اراسىندا رەكورد ورناتتى, دەپ حابارلايدى قازاقپارات تٸلشٸسٸ.
امەريكالىق مونتان شتاتىنان شىققان 40 جاستاعى ينجەنەر-ەلەكتريك بايقوڭىر عارىش ايلاعىنان رەسەيلٸك عارىشكەر الەكسەي وۆچينين مەن امەريكالىق استروناۆت نيك حەيگپەن بٸرگە 2019 جىلدىڭ 14 ناۋرىزىندا حالىقارالىق عارىش ستانتسيياسىندا (حعس) بولدى. كريستينا كۋك حعس-دا 288 كٷن جۇمىس ٸستەپ, ٸسٸن ەلٸ دە جالعاستىرۋدا. بۇل - حعس بۇرىنعى كومانديرٸ, ەيەل-استروناۆت پەگگي ۋيتسون 2016-2017 جىلدارى ورناتقان الدىڭعى رەكورد مەرزٸمٸ.
كۋك عارىشتا جالپى 328 كٷنٸن, ياعني 11 ايىن ٶتكٸزەدٸ دەپ بولجانۋدا. ايتا كەتەيٸك, ناسا 2019 جىلدىڭ سەۋٸرٸندە كۋكتىڭ جارتى جىلدىق عارىش ميسسيياسىن بەس ايعا دەيٸن, 2020 جىلدىڭ اقپانىنا دەيٸن ۇزارتۋ تۋرالى جارييالاعان بولاتىن.
«بۇل الىس عارىشتى زەرتتەۋ بويىنشا بولاشاق ميسسييالاردى, سونداي-اق اي مەن مارسقا ارنالعان ميسسييالاردى قولداۋ ٷشٸن قاجەتتٸ ۇزاق عارىشتىق ۇشۋلاردىڭ سالدارلارى تۋرالى بٸلۋگە مٷمكٸندٸك بەرەدٸ», دەپ اتاپ ٶتتٸ ناسا.
عارىشتا بولۋ بويىنشا ەلەمدٸك رەكورد بۇرىنعىشا رەسەيلٸك عارىشكەر, دەرٸگەر ۆالەريي پولياكوۆتىڭ ەنشٸسٸندە قالا بەرەدٸ. ول 1990 جىلدارى «مير» عارىش ستانتسيياسىنىڭ بورتىندا جۇمىس ٸستەي وتىرىپ, 15 اي (438 تەۋلٸك) بولىپ رەكورد ورناتقان بولاتىن.
امەريكالىق استروناۆتاردىڭ ەڭ ۇزاق عارىشتىق ۇشۋ بويىنشا رەكوردى سكوتت كەلليگە تيەسٸلٸ. ول 2015-2016 جىلدارى حعس-دا 340 كٷن ٶتكٸزگەن.
