فوتو: وقۋ-اعارتۋ مينيسترلٸگٸ
200 مىڭنان استام پەداگوگ جاساندى ينتەللەكتٸنٸ قولدانۋعا ارنالعان تەگٸن كۋرستان ٶتتٸ, دەپ حابارلايدى وقۋ-اعارتۋ مينيسترلٸگٸ.
جاڭا وقۋ جىلىندا 200 مىڭنان استام مۇعالٸم جاساندى ينتەللەكتٸنٸ بٸلٸم بەرۋ پروتسەسٸندە تيٸمدٸ پايدالانۋ بويىنشا كۋرستان ٶتٸپ, ونىڭ 140 مىڭعا جۋىعى كۋەلٸك الدى.
ەسٸرەسە, شىمكەنت قالاسى, تٷركٸستان جەنە جامبىل وبلىسىنىڭ پەداگوگتەرٸ بەلسەندٸلٸك تانىتتى. قاتىسۋشىلاردىڭ باسىم بٶلٸگٸ – باستاۋىش مۇعالٸمدەرٸ.
"وقۋ-اعارتۋ مينيسترلٸگٸنە قاراستى "ٶرلەۋ" بٸلٸكتٸلٸكتٸ ارتتىرۋ ۇلتتىق ورتالىعى يۋنەسكو-مەن بٸرلەسٸپ, حالىقارالىق تەجٸريبە نەگٸزٸندە ەزٸرلەگەن باعدارلامانى قازاقستاندىق پەداگوگتەرگە بەيٸمدەدٸ. كۋرس بارىسىندا مۇعالٸمدەر جاساندى ينتەللەكت قۇرالدارىن تيٸمدٸ ەرٸ ەتيكالىق تۇرعىدا دۇرىس قولدانۋدى, پرومپت جازۋدى, ساباق جوسپارلاۋ, تەستٸلەۋ مەن وقۋ ماتەريالدارىن ەزٸرلەۋدٸ مەڭگەرەدٸ", - دەيدٸ ۆەدومستۆو.
باعدارلاماعا قازاقستاننىڭ كەز كەلگەن ٶڭٸرٸندەگٸ پەداگوگ reg.orleu.edu.kz سايتى ارقىلى تٸركەلٸپ, LMS پلاتفورماسىندا ٶزٸنە ىڭعايلى ۋاقىتتا تەگٸن ونلاين قاتىسا الادى.
