ەلٸمٸزدەگٸ ەپيدەميولوگييالىق جاعدايعا بايلانىستى جاڭا وقۋ جىلى دەستٷرلٸ فورماتتا باستالمايدى. دەگەنمەن, اتا-انانىڭ تاڭداۋىنا قاراي, 1-4 سىنىپ وقۋشىلارى ٷشٸن مەكتەپتە كەزەكشٸ سىنىپتار بولادى. ەليحان بٶكەيحانوۆ اتىنداعى №76 مەكتەپ ليتسەيٸ دە جاڭا وقۋ جىلىنا دايىندالىپ جاتىر. وسى ورايدا مەكتەپ باسشىلىعى سانيتارلىق-ەپيدەميولوگييالىق تالاپتاردى ورىنداۋ مەن كەزەكشٸ كابينەتتەردٸڭ دايىندىعى تۋرالى بايانداپ بەردٸ, دەپ حابارلايدى قازاقپارات.
«باستاۋىش سىنىپتارعا كەزەكشٸ توپتاردا اتا-انانىڭ كەلٸسٸمٸ بويىنشا وقىتۋدى ۇيىمداستىرۋ رۇقسات ەتٸلگەن. قازٸرگٸ كەزدە مەكتەپتەگٸ باستاۋىش سىنىپتاعى وقۋشىلاردىڭ 453-ٸ, ياعني 60 پايىزعا دەيٸنگٸسٸ كەزەكشٸ سىنىپ توپتارىندا وقۋعا ٶتٸنٸش جازىپ وتىر. مەكتەپ كەزەكشٸ سىنىپتاردى قابىلداۋعا دا, قاشىقتان وقىتۋعا دا تولىق دايىن دەپ ايتۋعا بولادى», - دەدٸ مەكتەپ ديرەكتورى ساپۋرا تٶلەكوۆا.
ونىڭ سٶزٸنە قاراعاندا, مەكتەپتە وقۋشىلار مەن ەرەسەكتەردٸڭ قاۋٸپسٸزدٸگٸن قامتاماسىز ەتەتٸن بارلىق سانيتارلىق شارالار قاراستىرىلدى. وسى ورايدا سانيتايزەرلەر, انيسەپتيكتەر, تٷرلٸ باكتەريالدى سابىندار, تەلوۆيزورلار, دەزينفەكتسييالىق تٶسەنٸشتەر ساتىپ الىندى.
«ماسكا مەن قولعاپتار بار. كەزەكشٸ توپتاردا وقۋشىلار سانى 15-تەن اسپاۋى كەرەك. سوندىقتان بارلىق كابينەتتەردەگٸ ورىندار تەك 15 بالاعا لايىقتالىپ دايىندالدى. مەكتەپتٸڭ ٸشٸندەگٸ ەلەۋمەتتٸك قاشىقتىقتى بالالار ۇمىتپاي ساقتاۋى ٷشٸن ارنايى بەلگٸلەر قويىلدى. سونىمەن قاتار, مەكتەپكە كٸرگٸزۋ مەن شىعارىپ الۋدا ەرتٷرلٸ ەسٸكتەر قاراستىرىلدى, ٶيتكەنٸ ٷزدٸكسٸز قابىلداۋ جٷرەدٸ. وقۋشىلار 15 مينۋتتىق ارالىقپەن قابىلدانادى, ياعني تاڭەرتەڭ ساعات 8:00-دە بٸر سىنىپتىڭ 15 بالاسىن قابىلداۋ باستالسا, كەلەسٸ سىنىپتى 15 مينۋتتان كەيٸن قابىلدايمىز. ساباقتاردىڭ اراسىنداعى ٷزٸلٸستەر دە ەر سىنىپقا ەرتٷرلٸ بەلگٸلەنەدٸ. وسى ورايدا مەكتەپ دەلٸزٸندە بٸر ۋاقىتتا وقۋشىلار كٶپتەپ شوعىرلانبايدى», - دەدٸ مەكتەپ ديرەكتورى.
كەزەكشٸ سىنىپتارعا مۇعالٸمدەردٸ ٸرٸكتەۋدٸڭ تيٸستٸ تالاپتارى ەسكەرٸلگەن. بۇل تۇرعىدا مۇعالٸمنٸڭ كەلٸسٸمٸ بولۋى كەرەك. ودان كەيٸن پەداگوگتىڭ جاسى نازارعا الىنادى, جاسى ٷلكەن ەرٸ سوزىلمالى اۋرۋ بار, دەرٸگەرلٸك ەسەپتە تۇرعان مۇعالٸمدەر كەزەكشٸ سىنىپتارعا ساباق بەرۋگە تارتىلمايدى.
«كەزەكشٸ سىنىپتار بولعان ۋاقىتتا ەرەسەكتەر سانىن بارىنشا ازايتامىز. تەك قانا پەداگوگتار, تازالىققا جاعداي جاسايتىن جۇمىسكەرلەر, سونداي-اق بالالاردىڭ قاۋٸپسٸزدٸگٸنە جاۋاپتى مۇعالٸمدەر عانا بولادى. بٸر سىنىپتا بٸر مۇعالٸم جۇمىس ٸستەۋٸ كەرەك دەگەن قاعيدا ساقتالادى. كەزەكشٸ سىنىپتاردا تەك نەگٸزگٸ پەندەر وقىتىلادى, قالعان پەندەر ونلاين فورماتتا قاشىقتان جٷرگٸزٸلەدٸ», - دەدٸ س. تٶلەكوۆا.
تاڭەرتەڭ بالالاردى قابىلداپ الۋ مەكتەپتٸڭ سىرتىنداعى قورشاۋدان ٸسكە اسىرىلادى.
«بالادا دەنە قىزۋى انىقتالسا, بٸردەن اتا-اناسىمەن قايتارىلادى. بالا مەكتەپتٸڭ الدىنداعى ارنايى اراقاشىقتىق بەلگٸلەرٸ ارقىلى كٸرەدٸ. ساباق بارىسىندا بالادا دەنە قىزۋى, جٶتەل بايقالسا, وندا ارنايى مەديتسينالىق كابينەت جانىنان وقشاۋلاۋ بٶلمەسٸ جابدىقتالعان. سول وقشاۋلاۋ بٶلمەسٸندە بالا جەدەل جەردەم نەمەسە اتا-اناسى كەلگەنشە بولادى», - دەدٸ ول.
