جاڭا قاۋلى: ەلوردالىق ساۋدا ورتالىقتارى قالاي جۇمىس ٸستەيدٸ?

ەلوردالىق ەكٸمدٸك, سەس جەنە پوليتسييا دەپارتامەنتٸنٸڭ قىزمەتكەرلەرٸ ساۋدا-ويىن-ساۋىق ورتالىقتارىنىڭ جاڭا شەكتەۋ شارالارىندا قالاي جۇمىس ٸستەيتٸنٸن تٷسٸندٸردٸ, دەپ حابارلايدى قازاقپارات.

ارنايى توپ قالاداعى بٸرنەشە ساۋدا ورتالىقتارىنا بارىپ, قىزمەتكەرلەر مەن كەلۋشٸلەرگە ەلوردانىڭ باس سانيتارلىق دەرٸگەرٸنٸڭ جاڭا قاۋلىسىنداعى سانيتارلىق نورمالار مەن كارانتين رەجيمٸن ساقتاۋ قاجەتتٸگٸن تٷسٸندٸردٸ.

«بٷگٸن بٸز جاڭا قاعيدالار بويىنشا ساۋدا-ويىن-ساۋىق ورتالىقتارىنىڭ دايىندىعى مەن قوعامدىق تاماقتانۋ نىساندارىنىڭ جۇمىسىنا مونيتورينگ جٷرگٸزەمٸز. كەشە نۇر-سۇلتان قالاسىنىڭ باس سانيتارلىق دەرٸگەرٸنٸڭ جاڭا قاۋلىسى كٷشٸنە ەندٸ, وندا ساۋدا-ويىن-ساۋىق ورتالىقتارى جۇمىسىنىڭ الگوريتمٸ ناقتى جازىلعان. قاۋلىعا سەيكەس, ساۋدا ورتالىقتارى بارلىق قاجەتتٸ سانيتارلىق-ەپيدەميولوگييالىق شارالاردى ساقتاي وتىرىپ, جۇمىس كٷندەرٸ ساعات 10:00-دەن 22:00-گە دەيٸن جۇمىس ٸستەي الادى. ال دەمالىس كٷندەرٸ جۇمىس ٸستەمەيدٸ. ياعني, سەنبٸ جەنە جەكسەنبٸ كٷندەرٸ ساۋدا ويىن-ساۋىق ورتالىعىندا دەرٸحانالار, بانكتەردٸڭ ەسەپ ايىرىسۋ-كاسسالىق بٶلٸمدەرٸ جەنە سۋپەرماركەتتەرٸ, گيپەرماركەتتەرٸ عانا اشىق بولادى. قازٸر دە ساۋدا ورتالىقتارىنىڭ بٸرٸنە كەلدٸك, بارلىق ساقتىق شارالارى ساقتالعانىن كٶرۋگە بولادى. مۇندا اراقاشىق ساقتالىپ, دٷڭگٸرشەكتەگٸ, دەمحاناداعى ادام سانى 30%-دان اسپاۋى كەرەك», - دەدٸ نۇر-سۇلتان قالاسى ساۋدا جەنە قىزمەت كٶرسەتۋ سالاسىن دامىتۋ بٶلٸمٸنٸڭ باسشىسى رۋسلان ىدىرىسوۆ مونيتورينگ كەزٸندە تٸلشٸلەرگە بەرگەن سۇحباتىندا.

ايتا كەتەيٸك, ساۋدا ورتالىقتارىنداعى كينوتەاترلار تولىق رەجيمدە جۇمىس ٸستەپ تۇر. جاڭا قاۋلى كينوتەاترلار جۇمىسىنا ەسەر ەتكەن جوق, ولار كٷن سايىن ساعات 10:00-دەن 24:00-گە دەيٸن جۇمىس ٸستەيدٸ جەنە زالداعى كٶرەرمەندەر اراسىندا ەكٸ ورىن بوس قالىپ, ادام سانى 30 پايىزدان اسپاۋى كەرەك.

سونىمەن بٸرگە, ساۋدا-ويىن-ساۋىق ورتالىقتارىنداعى قوعامدىق تاماقتانۋ ورىندارى جابىق بولىپ قالا بەرەدٸ, ولار تەك ٷيگە جەتكٸزۋ قىزمەتٸمەن اينالىسا الادى. ويىن-ساۋىق ايماعى, ەتكەنشەكتەر مەن باتۋتتار دا جۇمىس ٸستەمەيدٸ.

ەكٸمدٸك قىزمەتكەرلەرٸ ساۋدا ورتالىعى مەن دٷڭگٸرشەكتەردٸ ارالادى جەنە بٸرنەشە ەسكەرتۋ جاسادى. مەسەلەن, كوفەحانادا كەلۋشٸلەر اراسىندا بٸر ٷستەل بوس تۇرۋى كەرەك جەنە 30 پايىزدان ارتىق تولماۋى كەرەك. كەزەككە تۇرعاندا اراقاشىق ساقتالۋى قاجەت. ەكٸ ساعات سايىن ىلعالدى تازالاۋ جۇمىستارى جٷرٸپ, ساتۋشىلار قورعانىس ماسكاسىن اۋىستىرىپ تۇرۋى تيٸس. ەرەجەگە سەيكەس, ساۋدا ورتالىعى ٸشٸندە كەلۋشٸلەر ٷزدٸكسٸز قوزعالىستا عانا جٷرە الادى جەنە دەلٸزدەگٸ ادام كٶپ توپتاساتىن ورىندىقتاردى دا جابۋ كەرەك.

«مۇندا ايىپپۇل سالۋ ٷشٸن كەلگەن جوقپىز. ول بٸزدٸڭ قۇزىرىمىزعا دا كٸرمەيدٸ. ەرەجە بۇزۋ مەسەلەسٸن اۋداندىق مونيتورينگ توپتارى قاراستىرادى. ال بٸز نىسانداردىڭ جاڭا جاعدايدا جۇمىس ٸستەۋگە قانشالىقتى دايىن ەكەنٸن كٶرگٸمٸز كەلەدٸ. بۇل ەڭ الدىمەن ٶزٸمٸز ٷشٸن – ادام دەنساۋلىعى ٷشٸن قاجەت. نۇر-سۇلتان قالاسى «قىزىل ايماققا» ەندٸ, كوروناۆيرۋس جۇقتىرعاندار كٶبەيدٸ, وسىعان بايلانىستى شەكتەۋلەر قويىلدى. ەگەر قالاداعى سانيتارلىق-ەپيدەميولوگييالىق جاعداي جاقسارسا, نىساندار بۇرىنعى جۇمىس كەستەسٸنە ورالادى. ال ەگەر جاعداي ناشارلاسا, ودان ەرٸ نە ٸستەۋ قاجەتتٸگٸ قارالادى», - دەدٸ رۋسلان ىدىرىسوۆ.