قازاق تٸلٸ ەلٸپبيٸن لاتىن گرافيكاسىنا 2025 جىلعا دەيٸن كەزەڭ-كەزەڭمەن كٶشٸرۋ جوسپارىنا سەيكەس جاڭا مٸندەتتەر جٷكتەلدٸ. بۇل تۋرالى پارلامەنت سەناتىندا قر مەدەنيەت جەنە سپورت مينيسترٸ ارىستانبەك مۇحامەديۇلى مەلٸم ەتتٸ, دەپ حابارلايدى قازاقپارات.
«ەلباسى نۇرسۇلتان ەبٸشۇلى نازارباەۆتىڭ «قازاق تٸلٸ ەلٸپبيٸن كيريلليتسادان لاتىن گرافيكاسىنا كٶشٸرۋ تۋرالى» جارلىعىن ٸسكە اسىرۋ بويىنشا مينيسترلٸك بٸرقاتار جۇمىستار اتقارۋدا. اتاپ ايتقاندا, مەملەكەت باسشىسىنىڭ اتالعان جارلىعى نەگٸزٸندە قازاق ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا جەنە ونىڭ جانىنداعى جۇمىس توپتارىنىڭ جوسپارلارى بەكٸتٸلدٸ. وسى باعىتتا بٸرقاتار شارالار قولعا الىندى», - دەپ توقتالدى ا. مۇحامەديۇلى.
مينيسترلٸك قازٸرگٸ كەزەڭدە جاڭا ەلٸپبيگە كٶشۋ بارىسىندا اتقارىلىپ جاتقان جۇمىستاردى بايانداۋ, تٷسٸندٸرۋ, ەدٸستەمەلٸك كٶمەكتەر كٶرسەتۋ ماقساتىندا تيٸستٸ عىلىمي شارالار جٷرگٸزدٸ. وعان ۇلتتىق كوميسسييا جەنە جۇمىس توپتارى مٷشەلەرٸ, پارلامەنت دەپۋتاتتارى,ەلٸمٸزدٸڭ جەتەكشٸ لينگۆيست عالىمدارى قاتىستى.
«جاڭا ەلٸپبيدٸڭ ەملە ەرەجەلەرٸ كەڭ تٷردە تالقىلانىپ, ونىڭ تۇجىرىمداماسى ماقۇلداندى. وسى تۇجىرىمدامانىڭ نەگٸزٸندە كٶپشٸلٸك قولدانىسىنا ەنەتٸن ەملە ەرەجەلەر تاياۋ ۋاقىتتا دايىن بولادى. بۇل باعىتتا مينيسترلٸك جانىنان شايسۇلتان شاياحمەتوۆ اتىنداعى «تٸل-قازىنا» ۇلتتىق-عىلىمي تەجٸربيەلٸك ورتالىعى قۇرىلدى. ورتالىقتىڭ قىزمەت اياسى كەڭەيٸپ, قازاق تٸلٸ ەلٸپبيٸن لاتىن گرافيكاسىنا 2025 جىلعا دەيٸن كەزەڭ-كەزەڭمەن كٶشٸرۋ جٶنٸندەگٸ ٸس-شارالار جوسپارىنا سەيكەس جاڭا مٸندەتتەر جٷكتەلدٸ», - دەدٸ مينيستر.
بۇل رەتتە يننوۆاتسييالىق IT تەحنولوگييالاردى قولدانا وتىرىپ, بالالار مەن ەرەسەكتەرگە ارنالعان ونلاين-قوسىمشالار, ەلەكتروندىق نۇسقاداعى وقۋ كۋرستارىن ەزٸرلەۋ; لاتىن گرافيكاسىنا مەتٸندٸك قايتا كودتاۋشىعا ارنالعان كونۆەرتەر باعدارلاماسىن جەنە IT قوسىمشاسىن ەزٸرلەۋ; قازاق ەلٸپبيٸن لاتىن گرافيكاسىنا اۋىستىرۋدىڭ نەگٸزگٸ اسپەكتٸلەرٸ تۋرالى ازاماتتاردى اقپاراتتاندىرۋ دەڭگەيٸن انىقتاۋ بويىنشا ەلەۋمەتتانۋشىلىق زەرتتەۋلەر جٷرگٸزۋ; قازاق ەلٸپبيٸن لاتىن گرافيكاسىنا كٶشٸرۋ بويىنشا تٷسٸندٸرۋ جۇمىستارىن جٷرگٸزۋ ٷشٸن بەينە بلوكتار ەزٸرلەۋ ەسكەرٸلگەن.
سونىمەن بٸرگە, ا. مۇحامەديۇلى ورتالىقتىڭ عىلىمي ەلەۋەتٸ ارتىپ كەلە جاتقانىن اتاپ ٶتتٸ. بٷگٸنگٸ تاڭدا مۇندا عالىمدار مەن بٸلٸكتٸ ماماندار تارتىلدى. قازٸر ۇلتتىق عىلىم اكادەميياسىنىڭ اكادەميگٸ, 2 عىلىم دوكتورى, 6 عىلىم كانديداتى جۇمىس جاساۋدا.
