قر جوعارعى سوتىنىڭ ەكٸمشٸلٸك ٸستەر جٶنٸندەگٸ سوت القاسىنىڭ تٶراعاسى قانات مۋسين بٷگٸن قابىلدانعان ەكٸمشٸلٸك رەسٸمدٸك-پروتسەستٸك كودەكستٸڭ ەرەكشەلٸكتەرٸن تٷسٸندٸردٸ, دەپ حابارلايدى قازاقپارات.
«بٷگٸن – ەلٸمٸز ٷشٸن تاريحي كٷن. سەبەبٸ, ەكٸمشٸلٸك رەسٸمدٸك-پروتسەستٸك كودەكس بٷگٸننەن باستاپ كٷشٸنە ەنەدٸ. وسىلايشا ەلٸمٸزدە جاڭا سالا – ەكٸمشٸلٸك ەدٸلەت جٷيەسٸ ٸسكە قوسىلادى. سٸزدەر ەلٸمٸزدە ازاماتتىق, قىلمىستىق, ەكٸمشٸلٸك قۇقىق بۇزۋشىلىقتار بويىنشا سوت ٸسٸن جٷرگٸزۋدٸڭ 3 تٷرٸ بار ەكەنٸن جاقسى بٸلەسٸزدەر. جاڭا كودەكستٸڭ قولدانىسقا ەنۋٸمەن سوت ٸسٸن جٷرگٸزۋدٸڭ تٶرتٸنشٸ تٷرٸ – ەكٸمشٸلٸك سوتتار جۇمىس ٸستەي باستايدى», - دەدٸ قانات مۋسين ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سپيكەر ەلەم ەلدەرٸندە شەنەۋنٸكتەردٸ تەرتٸپكە شاقىراتىن ارنايى جٷيە قۇرىلعانىن اتاپ ٶتتٸ.
«مۇنى ەكٸمشٸلٸك ەدٸلەت دەپ اتايمىز. ەكٸمشٸلٸك ەدٸلەتتٸڭ ميسسيياسى – بيلٸك ورگاندارىمەن داۋ-دامايدا ەلسٸز تاراپتى قورعاۋ. مىسالى, بٸرەۋ ەكٸمدٸكتٸڭ شەشٸمٸمەن كەلٸسپەيدٸ. ول قايدا بارادى? ەرينە, سوتقا بارادى. ال, سوت ول داۋدى وسى كٷنگە دەيٸن ازاماتتىق پروتسەستٸك كودەكستٸڭ تەرتٸبٸمەن قاراپ كەلدٸ. ول كودەكستٸڭ ەرەكشەلٸگٸ – بٸرٸنشٸدەن, ەكٸ تاراپ تەپە-تەڭ. سوت پروتسەسٸ جارىسپالى تٷردە ٶتەدٸ. كٸمنٸڭ دەلەلٸ مىقتى, كٸم سوتتى بارىنشا سەندٸرەدٸ, سول داۋدى جەڭٸپ شىعادى.
ەكٸنشٸدەن, سول ەكٸمنٸڭ شەشٸمٸ دۇرىس ەمەستٸگٸن سوت پروتسەسٸندە ارىز يەسٸنٸڭ ٶزٸ دەلەلدەۋٸ تيٸس. ال, جاي ادام مەن كەسٸپكەردٸ قولىندا بيلٸگٸ بار ورگانمەن سالىستىرۋعا بولا ما? ەرينە, بولمايدى. مەملەكەتتٸك ورگاننىڭ زاڭگەرلەرٸ بار, مٷمكٸندٸگٸ كٶپ. سوندىقتان ونداي داۋلاردىڭ كٶبٸسٸ قالاي اياقتالاتىنىن بەرٸمٸز جاقسى بٸلەمٸز. وعان دەلەل – ستاتيستيكا. داۋلاردىڭ 85% مەملەكەتتٸك ورگانداردىڭ پايداسىنا شەشٸلٸپ كەلدٸ. ەرينە, وسىلاي بولعان سوڭ سوتتارعا, جالپى بيلٸككە جۇرتتىڭ ٶكپەسٸ قارا قازانداي», - دەيدٸ ق. مۋسين.
ال جاڭا كودەكس بويىنشا داۋلار مٷلدەم باسقا پرينتسيپتەرمەن قارالادى.
«مۇندا تاراپتار تەڭ ەمەس. سوت ارىز يەسٸ رەتٸندە جەكە ازاماتقا نەمەسە كەسٸپكەرگە بارىنشا كٶمەكتەسەدٸ. سول ەكٸمدٸكتٸڭ شەشٸمٸ زاڭدى ما, زاڭسىز با, ونى ەندٸ تالاپكەر دەلەلدەمەيدٸ. سول شەشٸمدٸ قابىلداعان ەكٸمدٸكتٸڭ ٶزٸ ونىڭ زاڭدىلىعىن, قاجەتتٸلٸگٸن, نەگٸزدٸلٸگٸن دەلەلدەۋٸ تيٸس», - دەپ تٷسٸندٸردٸ قانات مۋسين.
