- قر پرەمەر-مينيسترٸنٸڭ ورىنباسارى - اۋىل شارۋاشىلىعى مينيسترٸ اسقار مىرزاحمەتوۆ 2017-2021 جىلدارعا ارنالعان اگروٶنەركەسٸپ كەشەنٸن دامىتۋ باعدارلاماسىن تانىستىردى, دەپ xابارلايدى قازاقپارات تٸلشٸسٸ ٷكٸمەت ٷيٸنەن.
باعدارلاما اياسىندا استىق القاپتارىنىڭ كٶلەمٸن 2,3 ملن. گەكتارعا ازايتۋ جوسپارلانعان. وسىنىڭ نەتيجەسٸندە جىل سايىن 3 ملن. تونناعا از بيداي جينالاتىن بولادى. سەبەبٸ بٷگٸندە ەلٸمٸزدە 2,9 ملن. توننا بيداي ارتىعىمەن قالىپ وتىرادى. ەندٸ, سونىڭ ورنىنا مايلى داقىلداردى كٶپتەپ ٶسٸرۋ كٶزدەلٸپ وتىر. ٶيتكەنٸ وسى ساناتتاعى ٶنٸمدەردٸڭ تاپشىلىعى بار. مەسەلەن, ارپا (1,2 ملن. توننا), قانت قىزىلشاسى (1 ملن. تونناعا جۋىق), جٷگەرٸ جەنە تاعى باسقا دەندٸ-داقىلدارعا سۇرانىس جوعارى بولىپ تۇر. سونىڭ بارلىعى سىرتتان جەتكٸزٸلەدٸ. ال جاڭا باعدارلاما اياسىندا اتالعان ٶنٸمدەردٸ ٶزٸمٸزدە ٶندٸرٸپ, ٸشكٸ نارىقتى بارىنشا تولتىرۋ جوسپارلانعان. بۇدان بٶلەك, ەت پەن سٷت ٶندٸرٸسٸن دامىتۋ جۇمىسىنا باسا نازار اۋدارىلادى. ول ٷشٸن اۋىلدى جەرلەردە كووپەراتيۆتەردٸ كٶپتەپ اشۋ جوسپارلانعان.
"بٷگٸنگٸ تاڭدا اۋىل شارۋاشىلىعى ٶنٸمدەرٸنٸڭ 70-90 پايىزى قوسالقى شارۋاشىلىقتاردا ٶندٸرٸلەدٸ. ال ول ٶنٸمنٸڭ بەرٸ زاۋىتتارعا جەتكٸزٸلمەيدٸ. سونىڭ سالدارىنان قايتا ٶڭدەۋ كٶرسەتكٸشٸ 30 پايىزدان اسپاي وتىر. مەسەلەن, قازٸر ەلٸمٸزدە 400-دەن استام قايتا ٶڭدەيتٸن كەسٸپورىن بار. ولاردىڭ بارلىعى تەك 20-60 پايىزعا عانا جۇمىس ٸستەپ تۇر. سوندىقتان جاڭا باعدارلاما اياسىندا قايتا ٶڭدەۋدٸ ۇلعايتىپ, ٸشكٸ نارىقتى دايىن ٶنٸمدەرمەن بارىنشا تولتىرۋ جوسپارلانىپ وتىر. ول ٷشٸن رەسپۋبليكا بويىنشا 1200 كووپەراتيۆ قۇرىلادى. ولار قايتا ٶڭدەۋگە قاجەتتٸ ٶنٸمدٸ دايارلايتىن بولادى. بٸزدٸڭ ەسەبٸمٸزگە سەيكەس, وسى شارالاردىڭ ارقاسىندا اۋىل xالقى ٶز ٶنٸمدەرٸن ساتىپ, شامامەن 300 ملرد. تەڭگە كٶلەمٸندە تابىس تابا الادى", - دەيدٸ ا.مىرزاxمەتوۆ.
ونىڭ ايتۋىنشا, جاڭا باعدارلاما اياسىندا مەملەكەت مال شارۋاشىلىعى سالاسىنىڭ تيٸمدٸلٸگٸن 40 پايىزعا, ال ٶسٸمدٸك شارۋاشىلىعىن 30 پايىزعا دەيٸن ارتتىرماقشى.
مينيسترلەر كابينەتٸ جاڭا باعدارلامانىڭ ەنگٸزٸلۋٸن قولدادى. الايدا رەسمي تٷردە ماقۇلداعان جٶن. پرەمەر-مينيستر ب.ساعىنتاەۆ اتالعان قۇجاتتى تولىعىمەن پىسىقتاپ, جەلتوقسان ايىندا ماقۇلداۋدى ۇيعاردى. "جاڭا جىلدان باستاپ بٸز جاڭا باعدارلاما بويىنشا جۇمىس ٸستەۋٸمٸز كەرەك",- دەدٸ ول.
.jpeg)