فوتو: Sputnik/كسەنييا ۆورونينا: UGC
"قازاقستان حالقىنا" قوعامدىق قورىنىڭ تٶراعاسى بولات جەمٸشەۆ "قور بولعانىنا قاراماستان, نەگە قازاقستاندىقتار بالالاردى ەمدەۋگە ەلەۋمەتتٸك جەلٸدە اقشا جيناۋدى جالعاستىرىپ جاتىر" دەگەن سۇراققا جاۋاپ بەردٸ, - دەپ حابارلايدى Tengrinews.kz.
قور مەلٸمەتٸنشە, بٷگٸندە قازاقستاندىقتار "قازاقستان حالقىنا" قورىنا 155 ميلليارد تەڭگەدەن اسا قارجى اۋدارعان.
"ەلٸمٸزدە قىمبات ەم الۋعا مۇقتاج بالالار ەلٸ دە كٶپ. ەلەۋمەتتٸك جەلٸدە بالالاردى ەمدەتۋ ٷشٸن قارجى جينايتىندار ەلٸ دە ازايماي تۇر. قور ەلەۋمەتتٸك جەلٸدە اقشا سۇراماۋ ٷشٸن قۇرىلعان جوق پا? جاعداي نەگە ٶزگەرمەي وتىر", - دەپ سۇرادى تٸلشٸ قور بريفينگٸندە.
سۇراققا جاۋاپ بەرگەن جەمٸشەۆ باعدارلاما اياسىندا ورفاندىق (سيرەك كەزدەسەتٸن اۋرۋمەن اۋىراتىن) ناۋقاستاردى ەمدەۋگە جەنە دەرٸ-دەرمەك ساتىپ الۋعا 30 ميلليارد تەڭگە قاراستىرىلعانىن تٷسٸندٸردٸ.
ونىڭ ايتۋىنشا, بٷگٸندە قور مەملەكەت ساتىپ المايتىن 33 دەرٸنٸ ساتىپ الىپ جاتىر.
"بٸزدە دەرٸ-دەرمەككە مۇقتاج ادامداردىڭ تٸزٸمٸ بار. بىلتىر جەتكٸزۋشٸلەرمەن كەلٸسٸمشارت جاسادىق. بىلتىر قيىن بولدى, ٶيتكەنٸ بۇل جەتكٸزۋشٸلەردٸ ەلشٸلٸك ارقىلى شەتەلدەن ٸزدەدٸك. بيىل بالالاردى دەرٸ-دەرمەكپەن قامتاماسىز ەتۋ بويىنشا جوسپارلى جۇمىستاردى اتقارىپ جاتىرمىز.
بٸز بالالاردى شەتەلگە جٸبەرەمٸز, قاتەرلٸ ٸسٸككە شالدىققان بالالاردى شەتەلگە جٸبەرۋ كريتەرييلەرٸن كەڭەيتتٸك. ەلٸمٸزدە اي سايىن بٸرنەشە بالا شەتەلگە ەمدەلۋگە كەتەدٸ. بٷگٸندە 245 بالاعا دەرٸ-دەرمەك ساتىپ الامىز. جىل اياعىنا دەيٸن بالا سانى ارتادى. بىلتىر بارلىعى 130 بالا بولسا. بيىل 4 ايدىڭ ٶزٸندە 115 ادام. ودان دا كٶپ بولادى", - دەدٸ بولات جەمٸشەۆ.
