ازاماتتىق قورعاۋ پولكوۆنيگٸ مەيٸرجان ايمانوۆتى جامبىل جۇرتى سوڭعى ساپارعا شىعارىپ سالدى, - دەپ حابارلايدى "ۇلت اقپارات" "حابار 24" تەلەارناسىنا سٸلتەمە جاساپ.
ٶرت سٶندٸرۋشٸ ەسكەري قويماداعى قىزىل جالىندى اۋىزدىقتاۋ كەزٸندە ورىن العان جويقىن جارىلىستان قازا تاپقان بولاتىن. ونىڭ ارتىندا اتا-اناسى, 5 بالاسى مەن جارى قالدى.
تەلەارنا مەلٸمەتٸنشە, پولكوۆنيك - ايمانوۆتار ەۋلەتٸنٸڭ ٷلكەنٸ. تۇڭعىش ۇل بولعاندىقتان اتا-اناسى دا, باۋىرلارى دا وعان ارقا سٷيەيتٸن. ول دا اعايىن مەن تۋىسقا, دوس پەن باۋىرعا ەردايىم قۇشاعىن اشىپ, كٶمەگٸن ايامايتىن. "ورىندالماعان ارماندارى كٶپ ەدٸ. تىم ەرتە كەتتٸ. جانىمدى ايتقىزباي ۇعاتىن قۇلىنىم ەدٸ" دەيدٸ ەتەگٸ جاسقا تولعان اناسى.
"جەتٸگە قاراي مەن ونىمەن حابارلاستىم. "بالام, جۇمىسىڭ بٸتتٸ مە? قايداسىڭ?" دەپ ەدٸم. "ماما, ٶرت سٶندٸرۋگە كەتٸپ بارامىن" دەدٸ. ول جارىلىس بولاتىنىن بٸلگەن دە جوق. ٶرتتٸ سٶندٸرە باستاعان كەزدە جارىلعان عوي. بالالاردىڭ بەرٸ ۇشىپ-ۇشىپ كەتتٸ. ول 1-2 بالانى قۇتقارىپتى. ٶزٸ قايتادان قالعان بالالارعا كٸرٸپ كەتٸپتٸ. سودان شىقپادى عوي", - دەيدٸ ايمانوۆتىڭ اناسى.
مەيٸرجان جاقىندا عانا 45 جاسقا تولعان ەدٸ. ٶمٸر بويى ٶرت سٶندٸرۋ سالاسىندا ەڭبەك ەتٸپ, پولكوۆنيك شەنٸنە دەيٸن ٶستٸ. "ادالدىق پەن ەدٸلدٸكتٸ جانى قالايتىن. ەلسٸزگە قامقور, جالعاندىققا جانى قاس بولاتىن. كٸشكەنتايىنان سپورتتى سەرٸك ەتتٸ", دەيدٸ سىنىپتاس دوستارى.
"مەيٸرجاندى كٸشكەنتايىنان بٸلەمٸز, سول كەزدە بويىندا قايراتتىلىق, قاھارماندىق, ەلسٸزدەرگە جاقتاسىپ, قورعاپ جٷرەتٸن ەدٸ. تٶبەمٸزدەن جاي تٷسكەندەي بوپ وتىر. ەندٸ ٶمٸر سٷرٸپ, بالا-شاعانى ٶسٸرٸپ, قىزىعىن كٶرەمٸن بە دەگەندە قىرشىنىنان كەتٸپ وتىر", - دەيدٸ سىنىپتاسى ەلميرا ٸزماعامبەتوۆا.
