جىل باسىنان بەرٸ جامبىل وبلىسىنان 110 وتباسى پاۆلودار, شىعىس قازاقستان, قوستاناي ٶڭٸرلەرٸنە قونىس اۋدارعان, دەپ حابارلايدى قازاقپارات.
ال, سوڭعى ەكٸ جارىم جىلدا ەلٸمٸزدٸڭ سولتٷستٸگٸ مەن شىعىس ايماقتارىنا 400-گە جۋىق جامبىلدىق وتباسى قونىس اۋدارعان. بۇل «نەتيجەلٸ جۇمىسپەن قامتۋدى جەنە جاپپاي كەسٸپكەرلٸكتٸ دامىتۋدىڭ 2017-2021 جىلدارعا ارنالعان «ەڭبەك» باعدارلاماسى اياسىندا جٷزەگە اسىرىلۋدا ەكەن.
«قازٸر مەملەكەتتٸك جوباعا قاتىسقىسى كەلەتٸندەر قاتارى ارتىپ وتىر. بيىل پاۆلودار ٶڭٸرٸنە 13 وتباسى كٶشٸپ باردى. ال قوستاناي مەن سولتٷستٸك قازاقستان وبلىستارىنا 34 وتباسىدان جەنە شىعىس قازاقستانعا 74 ادامنان تۇراتىن 29 وتباسى قونىس تەپتٸ. ولاردىڭ باسىم كٶپشٸلٸگٸ جەر الىپ, ديحانشىلىقپەن اينالىسقىسى كەلەتٸندەر. كٶشەتٸن ازاماتقا 35 ايلىق ەسەپتٸك كٶرسەتكٸش ەسەبٸندە كٶشۋ سۋبسيديياسى بەرٸلەدٸ. ول كٶشەتٸن وتباسىنىڭ ەربٸر مٷشەسٸنە تٶلەنەدٸ. بارعان جەرٸندە ٶزٸ تاڭداپ بارعان ماماندىعى بويىنشا مٸندەتتٸ تٷردە تۇراقتى جۇمىسقا ورنالاستىرىلادى. ەڭ باستى مەسەلە كٶشٸپ بارعاندا باسپانا ۇسىنىلادى. ول باسپانانى جالعا الۋ اقىسىن دا بٸر جىلعا دەيٸن مەملەكەت تٶلەپ بەرەدٸ», - دەيدٸ وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ بٶلٸم باسشىسى عاليجان مەيٸرمانوۆ.
مامانداردىڭ ايتۋىنشا وبلىستىڭ قورداي, بايزاق, جامبىل اۋداندارى مەن تاراز قالاسىنىڭ تۇرعىندارى كٶشۋگە جيٸ نيەت بٸلدٸرەتٸن كٶرٸنەدٸ. بيىل قابىلداۋشى ٶڭٸرلەرگە 352 ادام كٶشكەن. ونىڭ 102-سٸ تۇراقتى جۇمىسقا ورنالاسسا, تاعى 200-دەي ٶتٸنٸش بٸلدٸرگەن ازاماتتىڭ تٸزٸمدەرٸ جاساقتالىپ, قۇجاتتارى جيناقتالۋ ٷستٸندە ەكەن.
