جامبىل وبلىس بايزاق اۋدانىنداعى تٶتەنشە وقيعا كەزٸندە قاۋٸپسٸز جەرگە كٶشٸرٸلگەن تۇرعىنداردىڭ كەيبٸرٸ دەر كەزٸندە كٶرسەتٸلگەن كٶمەك ٷشٸن العىس ايتىپ جاتىر , دەپ حابارلايدى قازاقپارات.
«وسى جٷرگەن بالالاردىڭ, قىزداردىڭ بەرٸنە راحمەتٸمدٸ ايتامىن. ەلدٸ وسى جەرگە ەكەپ, كٶپشٸلٸكتٸ جيناپ, امان-ەسەن شىعارىپ سالىپ جاتقاندارى ٷشٸن كٶپ راحمەت. ەڭبەكتەرٸڭنٸڭ جەمٸسٸن كٶرٸڭدەر. قيىندىقتا بارلىق كٶمەك كٶرسەتتٸ, اۋقاتى دايىن. كەشكٸ ساعات ونداردا الىپ كەلدٸ. تاڭعا دەيٸن جەدەل جەردەم قىزمەتٸ دە قان قىسىمىمىزدى تەكسەرٸپ جاتىر. وسىلاي كٶمەك بەرگەندەرٸنە ٶتە ريزامىن», - دەيدٸ بايزاق اۋىلىنىڭ تۇرعىنى زۋحرا بەرديەۆا.
تاعى بٸر تۇرعىن بوتامويناق اۋىلدىق وكرۋگٸندە ەۆاكۋاتسييالانعان حالىقتىڭ ٷي-مٷلكٸن كٷزەتكەن پاترۋل قىزمەتٸنە العىس بٸلدٸردٸ.
«مەن بوتامويناق اۋىلدىق وكرۋگٸنٸڭ تۇرعىنىمىن. تٷندەگٸ جاعدايعا باليانىستى قۇقىق قورعاۋ سالاسى, پاترۋلدٸك قىزمەت ٶكٸلدەرٸنٸڭ ارقاسىندا اۋىلدىڭ حالقى ەۆاكۋاتسييالانىپ, سىرتقا شىقتى. اۋىلدان ەشقانداي شىعىن بولعان جوق. وندايعا جول بەرٸلگەن جوق. مىنا جٸگٸتتەر تٷنٸمەن پاترۋلٸ بار, ٸشكٸ ٸستەر قىزمەتكەرلەرٸ بار, اۋىل-اۋىلدى ارالاپ, بەرٸن سابىرعا شاقىرىپ, مٸندەتتەرٸن اتقارىپ جاتتى. اۋىل قىلمىستان امان-ەسەن. مورادەرلٸك سيياقتى جايتتار بولعان جوق», - دەيدٸ وكرۋگ تۇرعىنى.
قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸ تاراتقان رەسمي مەلٸمەت بويىنشا, وقيعا وشاعى سانالاتىن كورولەۆكا كەنتٸندەگٸ ەسكەري قويماعا ەڭ جاقىن ورنالاسقان 3 ەلدٸ مەكەندە 1 مىڭنان استام ادام تۇرادى. ولاردىڭ 710-ى وبلىس ورتالىعىنا ەۆاكۋاتسييالانعان.
جامبىل وبلىسىنىڭ ەكٸمٸ بەردٸبەك ساپارباەۆ ەۆاكۋاتسييالانعان اۋىل تۇرعىندارى بٷگٸن ٷيٸنە قايتارىلاتىنىن ايتقان ەدٸ.
ايتا كەتەيٸك, 26 تامىز كٷنٸ ساعات 19:00-دە جامبىل وبلىسىنىڭ بايزاق اۋدانىندا ورنالاسقان ەسكەري بٶلٸم قويمالارىنىڭ بٸرٸنەن ٶرت شىعىپ, جارىلىس بولدى.
