.jpg)
فوتو: اشىق دەرەككٶز
جامبىل وبلىسىنداعى جايىلىمداردى تىپ-تيپىل قىلعان ەسەكتەر ەندٸ اشتان قىرىلا باستادى, دەپ حابارلايدى Ult.kz كتك-عا سٸلتەمە جاساپ.
قالا ٸرگەسٸندەگٸ بايزاق جەنە تالاس اۋدانىنىڭ تۇرعىندارىنىڭ ايتۋىنشا, اينالا ٶلەكسەگە تولعان. تٸپتٸ بٸرنەشە اۋدان حالقى سۋ ٸشەتٸن تالاس ٶزەنٸ دە ەسەكتٸڭ مولاسىنا اينالدى دەپ دابىل قاعۋدا.
جايىلىمى تارىلىپ جىلارمان حەلگە تٷسكەن اۋىل تۇرعىندارى ەكٸ جىلدان بەرٸ «ەسەككە ەسەمٸز كەتتٸ» دەيدٸ. ٶيتكەنٸ جىلقىلار تاقىر جەرگە قىستا تەبٸندەي الماي قالعان. مالدىڭ قىسقى شٶبٸن ٷيگە جيناۋعا كٶشكەن جۇرت بيلٸكتەن كٶمەك سۇراپ وتىر.
«جايىلىمدا جۋساننىڭ شٶگٸرٸنەن باسقا ەشتەڭە قالعان جوق. اۋىلدىڭ مالى ارىق. قيىن جاعداي, جەم-شٶپ تە قىمبات. جالپى شارۋاشىلىققا ٷلكەن نۇقسان كەلٸپ جاتىر. تالاس ٶزەنٸ جاعالاۋىن قۋ تاقىرعا اينالدىرعان سانسىز ەسەك ەندٸ ورمان شارۋاشىلىعىنىڭ جەرٸنە اۋىز سالا باستاعان. بٸز تۇرعان جەر اۋىل مالىنىڭ قىسقى ازىعىن دايىندايتىن شابىندىق جەرٸ بولاتىن. قازٸر بۇل ماڭدا ەسەكتٸڭ تەزەگٸنەن اياق الىپ جٷرە المايسىڭ», - دەيدٸ قازتۇرعان بولىسباەۆ.
ەسەك جايلاعان بٸرنەشە اۋىلدىڭ تۇرعىندارى بٸلگٸسٸز سەبەپتەن ەر جەردە ٶلٸپ جاتقان جانۋارلار «اۋرۋ تاراتا ما» دەپ قورقىپ وتىر. ال وسى ٶزەننەن مالى سۋ ٸشٸپ وتىرعان تالاس اۋدانىنىڭ تۇرعىندارى تٸرشٸلٸك نەرٸن لاستاۋعا جول بەرگەندەر جاۋاپقا تارتىلسىن دەيدٸ.
«مالىنىڭ بەرٸ سىرتتا جاتىر, قورانىڭ ٸشٸندە ەسەك جوق. سول ەسەكتەر مىناۋ تٶمەنگٸ بوستاندىق ساۆحوزىنا دەيٸن, بٸزگە دەيٸن جايىلىپ كەلٸپ جاتىر. قىستا بٸزدٸڭ مالىمىز نە جەيدٸ? قۋ تاقىردان مالىمىزدى قىرىپ المايمىز با?», - دەپ اشىندى جاڭاباي ەسٸموۆ.
اۋدان ەكٸمٸ ەسەك باعۋعا ەسٸ كەتكەن كەسٸپكەرگە سٶز ٶتپەيتٸنٸن ايتىپ نالىدى. ول ەكٸ جىلدان بەرٸ ەسەكتٸ «ەلسٸز مەكەنگە ەكەتەمٸن» دەگەن ۋەدٸسٸن سول كٷيٸ ورىنداماعان.
«بٸزدە بەرٸبٸر سەنٸم جوق. ەر حابارلاسقان سايىن 20 كٷندە الىپ كەتەمٸن, 30 كٷندە الىپ كەتەمٸن دەيدٸ. بٸراق الىپ كەتپەيدٸ. قۇزىرلى ورگانعا دا, ينسپەكتسيياعا دا, ۆەتەرينارييا قىزمەتٸنە دە بەردٸك, نەگٸزگٸ قۇزىرەت سولاردا», - دەيدٸ بايزاق اۋدانىنىڭ ەكٸمٸ ولجاس باققاراەۆ.
ال وسى سالاعا جاۋاپتى وبلىس ەكٸمٸنٸڭ ورىنباسارى ەسەكتٸ الىپ كەتۋ ٷشٸن مينيسترلٸكتەن كٶمەك سۇراپ وتىرعانىن ايتادى. قازٸر مۇڭ بولعان مەسەلەنٸ شەشۋ باعىتىندا قىتايمەن كەلٸسسٶز جٷرٸپ جاتقان كٶرٸنەدٸ.
«بٸز بىلتىردان بەرٸ اۋىل شارۋاشىلىعى مينستٸرلٸگٸنە جاسىل دەلٸز اشىپ بەرۋ رۇقساتىن كٷتٸپ وتىرمىز. ياعني ولار قىتاي تاراپىمەن كەلٸسەدٸ. كەلٸسسٶزدەر جٷرگٸزٸلٸپ جاتىر. قىتايمەن كەلٸسۋ وڭاي ەمەس. قازٸر چيپتالدى, بازادا تۇر. قىتاي تاراپى جاسىل دەلٸزدٸ اشقان كەزدە ول ەسەكتەردٸڭ بەرٸن ەكەتۋ تۋرالى تالاپ قويىپ وتىرمىز», - دەپ تٷسٸندٸردٸ جامبىل وبلىسى ەكٸمٸنٸڭ ورىنباسارى تامابەك ەبٸلحايىر.
اۋىل تۇرعىندارى اۋماعى ات شاپتىرىم جەردٸ جالعا الىپ, ەسەكتەرٸن قاراۋسىز جٸبەرگەن كەسٸپكەرگە ەشقانداي شەكتەۋ قويا الماي وتىرعان ەكٸمدٸككە ٶكپەلٸ. ولار شارۋاشىلىققا جٷك كٶلٸكتەرٸمەن ەلٸ دە ەسەكتەر الىپ كەلٸپ جاتقانىن ايتىپ وتىر. ال بۇل سالاعا جاۋاپتى ەكٸمدٸك ٶكٸلدەرٸ جاسىل دەلٸزگە رۇقسات الۋدان باسقا امال جوق دەيدٸ.
