جامبىل وبلىسىندا مۇعالٸمدەر «سپۋتنيك V» ۆاكتسيناسىن قابىلداي باستادى, دەپ حابارلايدى "ۇلت اقپارات".
تاراز قالالىق ەمحانالارىندا جالپى بٸلٸم بەرەتٸن ورتا مەكتەپتەردٸڭ پەداگوگتارىنا كوروناۆيرۋس ينفەكتسيياسىنا قارسى «سپۋتنيك V» ۆاكتسيناسىن ەگۋ باستالدى. ونى العاشقىلاردىڭ بٸرٸ بولىپ وبلىستىق بٸلٸم باسقارماسى باسشىسىنىڭ مٸندەتٸن اتقارۋشى جەميلا بەكباتىروۆا سالدىردى.
جامبىل وبلىسى ەكٸمدٸگٸ دەنساۋلىق ساقتاۋ باسقارماسىنىڭ باسپاسٶز قىزمەتٸ حابارلاعانعانداي, ول ۆاكتسينا قابىلدار الدىندا دەرٸگەردٸڭ تەكسەرٸلۋٸنەن ٶتٸپ, قارسى كٶرسەتٸلٸمدەرٸ بولماعان سوڭ, العاشقى ەگۋدٸ الدى. دەرٸگەردٸڭ باقىلاۋىندا 30 مينۋتتاي بولعان جەميلا بەكباتىروۆا ٶزٸن جاقسى سەزٸنەتٸندٸگٸن ايتتى.
№5 جەنە «ZHANUYA» قالالىق ەمحانالارىندا تاڭ اتقالى باستالعان ەگۋ ناۋقانىنا بٸلٸم سالاسىنىڭ قىزمەتكەرلەرٸنٸڭ بارلىق توبى ٶز ەرٸكتەرٸمەن تولاستاماي كەلۋدە. وسى كٷنٸ كەشكە دەيٸن 45 ادامعا ۆاكتسيناتسييا جاسالادى دەپ جوسپارلانعان.
ٶڭٸرگە قاراعاندى فارماتسەۆتيكالىق زاۋىتى بازاسىندا ٶندٸرٸلگەن «سپۋتنيك V» ۆاكتسيناسىنىڭ 5250 دوزاسى جەتكٸزٸلدٸ. ۆاكتسينا سالدىراتىنداردىڭ تٸزٸمٸ جاسالىپ, ەمحانالارعا بەرٸلدٸ. وسى ساناتتاعى ادامدارعا ۆاكتسينا سالۋ ٷشٸن وبلىستا 20 ەمدەۋ مەكەمەلەرٸ, ونىڭ ٸشٸندە تاراز قالاسىندا - 9, شۋ قالاسى جەنە وبلىستىڭ 10 اۋداندىق ەمحانالارى جۇمىس ٸستەۋدە. بارلىق جۇمىلدىرىلعان ەمحانالاردا ەگۋ جۇمىستارىن جٷرگٸزۋ سانيتارلىق-ەپيدەميولوگييالىق نورمالار مەن ەرەجەلەردٸڭ تالاپتارىنا سەيكەس جٷزەگە اسىرىلادى.
جامبىل وبلىسى بويىنشا اعىمداعى جىلى ۆاكتسينانىڭ تٷسۋٸنە قاراي 18 جاستان اسقان 593700 ادامدى COVID-19-عا قارسى ۆاكتسيناتسييالاۋمەن قامتۋ جوسپارلانۋدا. بۇل – وبلىس حالقىنىڭ جالپى سانىنىڭ 52%-ى. بۇدان باسقا, كەيٸننەن حالىقتىڭ قوسىمشا وسال توپتارىن قوسا وتىرىپ, كونتينگەنتتٸ كەڭەيتۋ كٶزدەلۋدە.
قازاقستاندا جۇقپالى اۋرۋلارعا, ونىڭ ٸشٸندە كوروناۆيرۋستىق ينفەكتسيياعا قارسى ۆاكتسيناتسييا تەگٸن, ەرٸكتٸ تٷردە جەنە ۆاكتسيناتسييالاۋعا نيەت بٸلدٸرگەن ادامنىڭ اقپاراتتاندىرىلعان كەلٸسٸمٸمەن جٷرگٸزٸلەدٸ. كوروناۆيرۋسقا قارسى يممۋنداۋ اعىمداعى جىلدىڭ سوڭىنا دەيٸن جالعاسادى.
