جامبىلدا ەسٸرتكٸ دايىنداۋمەن جەنە ٶتكٸزۋمەن اينالىسقان قىلمىستىق توپ ۇستالدى, دەپ حابارلايدى قازاقپارات.
قىلمىستىق توپ رەسپۋبليكالىق «قاراسورا-2021» جەدەل الدىن الۋ ٸس-شاراسى, سونداي-اق «رەفلەكس-2021» ٶڭٸرلٸك وپەراتسيياسىن ٶتكٸزۋ بارىسىندا انىقتالدى. ولاردى جامبىل وبلىسى پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ جەنە ۇلتتىق قاۋٸپسٸزدٸك كوميتەتٸ دەپارتامەنتٸنٸڭ قىزمەتكەرلەرٸ بٸرلەسٸپ ۇستادى. قىلمىستىق توپ جامبىل وبلىسىنىڭ اۋماعىندا «ماريحۋانا» دايىنداۋمەن جەنە ونى باسقا ٶڭٸرلەرگە ساتۋمەن اينالىسقان. 39 جەنە 51 جاس ارالىعىنداعى بارلىعى 5 كٷدٸكتٸ انىقتالدى. اتالعان ەر ادامداردىڭ تٶرتەۋٸ – بايزاق اۋدانىنىڭ تۇرعىندارى, بٸرەۋٸ تاراز قالاسىنان.
«ولاردىڭ تۇرعىلىقتى جەرٸ بويىنشا, سونداي-اق كٷدٸكتٸلەردٸڭ بٸرٸنٸڭ ٶندٸرٸستٸك بازاسىنا تٸنتۋ جاساپ, بٸر مەزگٸلدە جٷرگٸزٸلگەن ۇستاۋ وپەراتسيياسى بارىسىندا جالپى سالماعى 1 كەلٸدەن استام گاشيش, 30 كەلٸدەن اساتىن ماريحۋانا, ٶسٸرٸلگەن كاننابيس ٶسٸمدٸگٸنٸڭ بۇتالارى, يلەۋٸش قۇرالى جەنە گاشيش ٶندٸرۋگە ارنالعان باسقا دا قۇرىلعىلار, سونداي-اق تٸركەلمەگەن 2 تەگٸس ۇڭعىلى مىلتىق, 25 اڭشىلىق جەنە 16 تراۆماتيكا پاتروندارى تەركٸلەندٸ. قازٸرگٸ ۋاقىتتا ۇستالعانداردىڭ بارلىعى كٸنەسٸن مويىندادى. ولار تاراز قالاسى پوليتسييا باسقارماسىنىڭ ۋاقىتشا ۇستاۋ يزولياتورىنا قامالدى», – دەپ اتاپ ٶتتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى اسقار جۇمابەكوۆ.
اتالعان قىلمىستىق ٸس بويىنشا تەجٸريبەلٸ قىزمەتكەرلەردەن جەدەل تەرگەۋ توبى قۇرىلدى, سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
