جامبىل وبلىسىندا ۇرلانعان 22 قارۋ تابىلدى, - دەپ حابارلايدى Tengrinews.kz تٸلشٸسٸ Polisia.kz سايتىنا سٸلتەمە جاساپ.
"جامبىل وبلىسى پوليتسييا دەپارتامەنتٸنٸڭ قىزمەتكەرلەرٸ كەيٸنگٸ اپتادا 22 قارۋ مەن 800-گە جۋىق تٷرلٸ وق-دەرٸ تەركٸلەدٸ. ولاردىڭ ٸشٸندە ٷش جارىق-شۋ گراناتاسى, بٸر تراۆماتيكا قارۋى, بٸر تاپانشا, ەكٸ كارابين, ٷش اۆتومات, ون ەكٸ اڭشى مىلتىعى, ەكٸ گاز تاپانشاسى بار", - دەلٸنگەن حابارلامادا.
قارۋعا سوت-بالليستيكالىق ساراپتاما تاعايىندالعان. جامبىل وبلىسىنىڭ پوليتسييا دەپارتامەنتٸ قارۋدىڭ, وق-دەرٸلەردٸڭ, ارنايى قۇرالداردىڭ ورنالاسقان جەرٸ تۋرالى حابارلاعان نەمەسە ونى پوليتسيياعا ٶز ەركٸمەن تاپسىرعان ادامنىڭ باسقا قۇقىقبۇزۋشىلىقتارعا قاتىسى انىقتالماسا, قىلمىستىق جەنە ەكٸمشٸلٸك جاۋاپكەرشٸلٸككە تارتىلمايتىنىن ەسكە سالادى. پوليتسييا قىزمەتكەرلەرٸ اتى-جٶنٸن قۇپييا ۇستاۋعا كەپٸلدٸك بەرەدٸ.
