جاڭاتاستا كٶپ قاباتتى ٷيدەگٸ ٶرتتەن بەس بالا قازا تاپتى, دەپ حابارلايدى "ۇلت اقپارات" ەكٸمدٸككە سٸلتەمە جاساپ.
جامبىل وبلىسى سارىسۋ اۋدانى جاڭاتاس قالاسىنداعى 2 ىقشاماۋدانداعى 5 قاباتتى تۇرعىن ٷيدٸڭ 3-شٸ قاباتىندا ٶرت بولىپ, 16 شارشى مەتر اۋماقتى شارپىدى (كيٸمدەر مەن جيھاز وتقا وراندى).
پەتەر ٸشٸندە اتا-انانىڭ قاراۋىنسىز كەمەلەت جاسىنا تولماعان 2015, 2016, 2017, 2019 جەنە 2020 جىلدارى تۋعان بەس بالا قالىپ قويعان.
الدىن الا مەلٸمەتتەر بويىنشا, ٷيدٸڭ وتاعاسى جۇمىستا بولعان, ال اناسى دٷكەنگە شىعىپ كەتكەن. ٶرت سالدارىنان كەمەلەت جاسىنا تولماعان بالالار تٷتٸنگە ۋلانىپ, جەدەل تٷردە اۋرۋحاناعا جەتكٸزٸلدٸ. الايدا اراعا بٸراز ۋاقىت سالىپ, كٶز جۇمعان.
وقىس وقيعانىڭ سەبەبٸن انىقتاۋ ٷشٸن جامبىل وبلىسى ەكٸمٸنٸڭ تاپسىرماسىمەن ارنايى كوميسسييا قۇرىلدى. وبلىس ەكٸمٸنٸڭ ورىنباسارى ۇلان جازىلبەكتٸڭ تٶراعالىعىمەن كوميسسييا وقيعا ورنىنا اتتاندى. كوميسسييا قۇرامىنا پروكۋراتۋرا, پوليتسييا دەپارتامەنتٸ, تٶتەنشە جاعدايلار جٶنٸندەگٸ دەپارتامەنت پەن باسقا دا مٷددەلٸ مەملەكەتتٸك ورگانداردىڭ ٶكٸلدەرٸ ەنگەن.
جەرگٸلٸكتٸ اتقارۋشى ورگاندار تاراپىنان قارا جامىلعان وتباسىعا جان-جاقتى كٶمەك كٶرسەتٸلەدٸ. پسيحولوگ ماماندار جۇمىلدىرىلىپ, جەرلەۋ شارالارىن ۇيىمداستىرۋعا جەردەم بەرٸلمەك.
جاڭاتاسقا جامبىل وبلىستىق تجد باسشىسى مەن جەدەل توپ, جىلجىمالى ٶرت-تەحنيكالىق زەرتحانا, ٶرت سٶندٸرۋ قىزمەتٸ مەن اپاتتىق-قۇتقارۋ قىزمەتٸنٸڭ پسيحولوگتارى شىقتى.
بۇدان بٶلەك, جاڭاتاس قالاسىنا وبلىس پروكۋرورى نۇرعالىم ەبدٸروۆ پەن پوليتسييا دەپارتامەنتٸنٸڭ باسشىسى جانات سٷلەيمەنوۆ اتتاندى.
وقىس وقيعا ورنىندا ٶرت سٶندٸرۋ قىزمەتٸنٸڭ 6 قىزمەتكەرٸ 1 دانا تەحنيكا جۇمىس اتقاردى. ٶرت تولىعىمەن اۋىزدىقتالدى.
ٶرتەنگەن زاتتارداعى گازداردىڭ تولىق جانباۋىنان ۋلى گاز تٷزٸلٸپ, ۋلانۋ جاعدايلارىنا ەكەپ سوعادى.
