قاڭتار وقيعالارىنان كەيٸنگٸ «قۇقىقتىق تەرتٸپ» جەدەل الدىن الۋ شاراسىندا 4 مىڭنان استام قىلمىس اشىلدى, دەپ حابارلايدى قازاقپارات.
بۇعان دەيٸن قر ٸشكٸ ٸستەر مينيسترلٸگٸ 19 قاڭتاردا تٶتەنشە جاعداي رەجيمٸ جويىلعان سوڭ, ەلٸمٸزدٸڭ بارلىق ٶڭٸرلەرٸندە «قۇقىقتىق تەرتٸپ» جەدەل الدىن الۋ شاراسى ٶتەتٸنٸن جارييالاعان ەدٸ.
اتالعان شارانى ٶتكٸزۋ كەزەڭٸندە 4 مىڭنان استام قىلمىس تٸركەلگەن, ونىڭ ٸشٸندە 300-دەن استامى قوعامدىق ورىندا جەنە 80-ٸ كٶشەلەردە جاسالعان.
«ەسٸرەسە ەڭ كٶپ قىلمىس شىعىس قازاقستان, الماتى, قاراعاندى وبلىستارىندا, الماتى جەنە شىمكەنت قالالارىندا جاسالعان. 2 700-دەن استام قىلمىس «ٸزٸن سۋىتپاي» اشىلدى»,- دەدٸ قر ەكٸمشٸلٸك پوليتسييا كوميتەتٸنٸڭ باسقارما باستىعى باعلانبەك ايتپاەۆ مينيسترلٸكتە ٶتكەن بريفينگتە.
مىسالى, سپيكەردٸڭ ايتۋىنشا, 19 قاڭتاردا اقتٶبەدە پوليتسييا قىزمەتكەرلەرٸ بۇرىن سوتتالعان ەكٸ ازاماتتى «ٸزٸن سۋىتپاي» ۇستادى.
ولار تٷندە مەديتسينالىق بەتپەردە كيٸپ «Qazaq Oil» جانارماي قۇيۋ ستانتسيياسىنا بارىپ, جانارماي قۇيۋشى مەن كاسسيردٸ پىشاقپەن جەنە بالعامەن قورقىتقان جەنە 100 مىڭ تەڭگەدەن استام اقشا مەن ۇيالى تەلەفوندى الىپ كەتكەن.
21 قاڭتاردا شقو ٷرجار اۋدانى باقتى اۋىلىنىڭ شەتٸندە كارابينمەن جەكە كەسٸپكەردٸ اتىپ ٶلتٸرگەن تۇرعىن ۇستالدى.
ميينسترلٸك ٶكٸلٸ حابارلاعانداي, بۇرىن جاسالعان 700-دەن استام قىلمىس, ونىڭ ٸشٸندە اۋىر جەنە اسا اۋىر قىلمىستار دا اشىلعان.
ٸزدەۋدە جٷرگەن 107 قىلمىسكەر ۇستالعان.
«مەسەلەن, جاپپاي تەرتٸپسٸزدٸككە قاتىسقان سونداي-اق قىزمەتكەرلەر مەن ەسكەري قىزمەتشٸلەرگە قارسى قىلمىس قۇرالى بولعان مەتالل ارماتۋرا تاراتقان الماتى قالاسى مەن الماتى وبلىسىنىڭ التى تۇرعىنى ۇستالىپ, ۋاقىتشا ۇستاۋ يزولياتورىنا قامالدى. نۇر-سۇلتاندا مەملەكەتارالىق ٸزدەۋدە جٷرگەن جامبىل وبلىسىنىڭ تۇرعىنى, 5 قاڭتاردا جامبىل وبلىسى شۋ اۋدانى تٶلە بي كەنتٸندە Nur Otan پارتيياسىنىڭ ەكٸمشٸلٸك عيماراتىن ٶرتەۋگە قاتىسقان ازامات ۇستالدى», - دەدٸ باعلانبەك ايتپاەۆ.
