جامبىل وبلىسىندا قاراقشىلار زەينەتكەردٸ توناپ كەتكەن. وقيعا 13 مامىرعا قاراعان تٷندە بولعان, - دەپ حابارلايدى Tengrinews.kz اگەنتتٸگٸ Polisia.kz سايتىنا سٸلتەمە جاساپ.
پوليتسيياعا مويىنقۇم اۋدانىنىڭ 82 جاستاعى تۇرعىنى جٷگٸنگەن. ول 13 مامىرعا قاراعان تٷنٸ بەتپەردە كيگەن 2 بەلگٸسٸز ادام جاسىرىن تٷردە جازعى اس ٷيٸنە كٸرٸپ, جالعىز ٶزٸ ۇيىقتاپ جاتقان جەرٸنەن كٷش قولدانىپ, شابۋىل جاساعانىن ايتقان. وسىلايشا, ۇرىلار زەينەتكەردٸڭ جاستىعىنىڭ استىندا جاتقان 5 ميلليون تەڭگەنٸ ۇرلاپ كەتكەن. بۇل دەرەككە قاتىستى قر قىلمىستىق كودەكسٸنٸڭ 192-بابى 3-بٶلٸگٸ "قاراقشىلىق" بويىنشا سوتالدى تەرگەۋ باستالعان. سونىمەن قاتار, بٸرقاتار قاجەت ساراپتاما تاعايىندالعان.
