جامبىل وبلىسى مويىنقۇم اۋدانىندا گاز قۇبىرلارىن جٷرگٸزۋ جۇمىستارى باستالدى. بٸرەر جىلدا اۋدان اۋماعىنىڭ 9 ەلدٸ مەكەنٸنٸڭ (ايدارلى, بٸرلٸك, بينازار, نازاربەكوۆ, كٶكجەلەك, كٷشامان, جامبىل, مويىنقۇم, قىلىشباي) تۇرعىندارى كٶگٸلدٸر وتىن جاعۋ مٷمكٸندٸگٸنە يە بولادى, دەپ حابارلايدى Ult.kz «مويىنقۇم مەديا ورتالىعىنا» سٸلتەمە جاساپ.
اۋدان ەكٸمٸ ەرمەك كارەنتاەۆتىڭ ايتۋىنشا, بيىل ٷش اۋىلعا گاز قۇبىرلارى تارتىلادى.
"مويىنقۇم اۋدانىنىڭ 9 ەلدٸ مەكەنٸن گازداندىرۋ جوباسىنىڭ 1 كەزەڭٸنە سەيكەس شۋ اۋدانى قوناەۆ اۋىلىنداعى اۆتوماتتى گاز تارقاتۋ ستانتسيياسىنان (اگتس) ايدارلى, بٸرلٸك جەنە بينازار اۋىلدارىنا گاز قۇبىرلارىن تارتۋ جۇمىستارى جٷرٸپ جاتىر. قۇبىرلار ٷزدٸكسٸز جەتكٸزٸلٸپ جاتىر. جىل سوڭىنا دەيٸن مەردٸگەر - Asia Caspian Construction جشس 13 مىڭ 600 مەتر قۇبىر جٷرگٸزۋ, جالعاۋ جەنە ونى جەر استىنا كٶمۋ جۇمىستارىن جٷرگٸزەدٸ. اۆتورلىق قاداعالاۋشى مەن تەحنيكالىق قاداعالاۋشى كومپانييالار ٷنەمٸ تەكسەرۋ جۇمىستارىن جٷرگٸزٸپ وتىرادى. اۋدان ەكٸمدٸگٸ تاراپىنان بۇل جۇمىستار قاتاڭ باقىلاۋدا بولادى", - دەيدٸ ەرمەك امانگەلدٸۇلى.
ايتا كەتەيٸك, اتالعان جوبانى رەسپۋبليكالىق بيۋدجەتتەن قارجىلاندىرۋ ٷشٸن قر ەنەرگەتيكا مينيسترلٸگٸنە 2024 جىلعا رەسپۋبليكالىق بيۋدجەتكە 18,5 ميلليارد تەڭگەگە ٶتٸنٸم ۇسىنىلىپ, قۇرىلىس جۇمىستارىن باستاۋ ٷشٸن رەسپۋبليكالىق بيۋدجەتتەن 2024 جىلعا 600 ميلليون تەڭگە قارالدى, "سامرۇق-قازىنا" اق ديۆيدەندٸ ەسەبٸنەن قوسىمشا 2 ميلليارد تەڭگە بٶلٸنگەن.
