جامبىل وبلىسىندا جىل باستالعالى بەرٸ 54 مەديتسينا قىزمەتكەرٸ كوروناۆيرۋس جۇقتىرعان, - دەپ حابارلايدى "ۇلت اقپارات".
ٶڭٸردەگٸ كوروناۆيرۋس ينفەكتسيياسىنىڭ ەپيدەميولوگييالىق جاعدايى تۋرالى جامبىل وبلىسى ەكٸمٸنٸڭ ورىنباسارى ەرجان جىلقىباەۆتىڭ تٶراعالىعىمەن كەڭەس وتىرىسى ٶتٸپ, وندا قالىپتاسىپ وتىرعان احۋال سارالاندى. ٶكٸنٸشكە قاراي, بٷگٸندە وبلىستاعى قورداي, جۋالى اۋداندارى مەن تاراز قالاسىندا ٸندەت جۇقتىرعاندار ازايماي تۇر. سوندىقتان تالاپتى كٷشەيتۋ جايى قارالدى.
«مەديتسينا سالاسىنىڭ قىزمەتكەرلەرٸ, مۇعالٸمدەر مەن وقۋشىلاردىڭ سىرقاتتانىپ جاتقانى جانعا باتادى. ناقتى ساندارعا جٷگٸنسەك, ەلٸمٸزدە كوروناۆيرۋس ينفەكتسيياسى تارالعالى بەرٸ وبلىس بويىنشا – 411, ونىڭ ٸشٸندە بيىل 54 مەديتسينا قىزمەتكەرٸ ٸندەت جۇقتىرىپ الدى. سىرقاتتانعان ازاماتتاردىڭ 70 پايىزى جۇمىس ورنىنان تىس جەردە جۇقتىرعان. دەسە دە, دەنساۋلىق ساقتاۋ سالاسى ماماندارىن قاجەتتٸ قورعانىس كيٸمدەرٸمەن قامتۋعا باسا نازار اۋدارۋ قاجەت. بۇل ماقساتتا رەسپۋبليكالىق بيۋدجەتتەن 2 ميلليارد 735 ميلليون تەڭگە بٶلٸنٸپ, وعان ماسكا, ارنايى كيٸمدەر سەكٸلدٸ كەرەك-جاراقتىڭ بارلىعى الىندى. بۇل قور كٷن ٶتكەن سايىن تولىعىپ كەلەدٸ. مەسەلەن, سوڭعى ەسەپ بويىنشا ايماقتا اتالعان زاتتاردىڭ 77 كٷنگە جەتەتٸن مٶلشەرٸ بار»,-دەپ جازدى ەرجان جىلقىباەۆ ٶزٸنٸڭ فەيسبۋك ەلەۋمەتتٸك جەلٸسٸندەگٸ جەكە پاراقشاسىندا.
سونداي-اق, وبلىس ەكٸمٸنٸڭ ورىنباسارى ٸندەتكە قارسى تۇرۋدىڭ ەڭ تيٸمدٸ جولى – ۆاكتسينالاۋ ەكەنٸن ايتادى. ەسٸرەسە, ەكپە اۋرۋدىڭ وشاعىندا جٷرگەن مەديتسينا قىزمەتكەرلەرٸ ٷشٸن اسا قاجەتتٸگٸنە ايرىقشا توقتالعان.
«جەلتوقسان مەن قاڭتار ايلارىندا بٸرقاتار دەنساۋلىق ساقتاۋ سالاسى قىزمەتكەرلەرٸ ەرٸكتٸ تٷردە ەكپە سالدىرعان بولاتىن. بۇدان بٶلەك, جىل باسىنان بەرٸ اق حالاتتىلارعا 850 دوزا ۆاكتسينا تاعى ەگٸلدٸ. نەتيجەسٸندە ايماقتا 1 180 مامان ۆاكتسينامەن قامتىلدى. بۇل جۇمىستاردى جالعاستىرۋ ماقساتىندا كٷنٸ كەشە قوسىمشا 5 250 دوزا ەكپە تاعى جەتكٸزٸلدٸ. جالپى 13 870 دەنساۋلىق ساقتاۋ قىزمەتكەرٸن ۆاكتسينامەن قامتۋ كٶزدەلگەن»,-دەدٸ ە. جىلقىباەۆ.
سونىمەن قاتار, وبلىستا بٸلٸم سالاسى قىزمەتكەرلەرٸن ۆاكتسينالاۋ جۇمىستارى دا باستالدى. ەكپە سالۋ ەڭ ەۋەلٸ باستاۋىش سىنىپ مۇعالٸمدەرٸنە جٷرگٸزٸلەدٸ. ول ٷشٸن ايدىڭ سوڭىنا دەيٸن تاعى 6 مىڭ دوزا ۆاكتسينا الۋ جوسپارلانعان. ال ەكپە ەگۋدٸڭ ٷشٸنشٸ كەزەڭٸندە ستۋدەنتتەردٸ قامتۋ كٶزدەلٸپ وتىر. بۇل شارۋالار دەنساۋلىق ساقتاۋ سالاسىنىڭ ماماندارى مەن مۇعالٸمدەردٸڭ اراسىندا اۋرۋ تارالۋىن تەجەۋگە ٶز ەسەرٸن تيگٸزبەك.
جيىن بارىسىندا ايماقتاعى كوروناۆيرۋس ينفەكتسيياسىنىڭ ەپيدەميولوگييالىق احۋالى جەنە تاراز قالاسى مەن اۋداندارداعى مونيتورينگتٸك توپتاردىڭ جۇمىستارىن دا تالقىلادى.
