جامبىل وبلىسىندا 119 مىڭ تۇرعىنعا كوممۋنالدىق ٶتەماقى بەرۋ كٶزدەلۋدە. بۇل تۋرالى وبلىس ەكٸمٸنٸڭ ورىنباسارى ەرجان جىلقىباەۆ مەلٸم ەتتٸ, دەپ حابارلايدى "ۇلت اقپارات".
«بٷگٸنگٸ تاڭدا حالىق ٷشٸن ماڭىزدى اقپاراتتىڭ بٸرٸ - تٶتەنشە جاعداي كەزەڭٸندە كوممۋنالدىق قىزمەتتەردٸ جەتكٸزۋشٸلەردٸڭ شىعىندارىن ٶتەۋ جايىندا. تۇتىنۋشىلاردىڭ ابونەنتتٸك ەسەپ شوتىنا اي سايىن (2 ايعا) تٸكەلەي 15 مىڭ تەڭگە اۋدارىلىپ, كوممۋنالدىق قىزمەت اقىسى ٶتەلەدٸ. جالپى وبلىس بويىنشا وسى باعىتتا 119 مىڭ تۇرعىندى قامتۋدى جوسپارلاپ وتىرمىز. بۇل بويىنشا CALL ورتالىق قۇرىلدى», - دەيدٸ وبلىس ەكٸمٸنٸڭ ورىنباسارى.
ونىڭ ايتۋىنشا, كوممۋنالدىق قىزمەتتەردٸ ٶتەۋ 7 ساناتتاعى ازاماتتارعا بەرٸلمەك. ولار: 1, 2, 3 توپتاعى مٷگەدەكتەر, مٷگەدەك بالا تەربيەلەۋشٸ وتباسىلار, كٶپبالالى وتباسىلار, ۇوس مٷگەدەكتەرٸ مەن قاتىسۋشىلارى جەنە ولارعا تەڭەستٸرٸلگەن ازاماتتار, مەملەكەتتٸك نەمەسە قوعامدىق مٸندەتتەرٸن, ەسكەري قىزمەتٸن ورىنداۋ كەزٸندە, ادامدى قۇتقارۋ كەزٸندە, قۇقىق تەرتٸبٸن قورعاۋ كەزٸندە قازا تاپقان ادامداردىڭ وتباسى, ەڭ تٶمەن جەنە از زەينەتاقى الاتىن زەينەتكەرلەر, اتاۋلى ەلەۋمەتتٸك كٶمەك الاتىن ازاماتتار, ونىڭ ٸشٸندە جالعىزباستى زەينەتكەرلەر.
سونداي-اق, بۇدان ٶزگە, وبلىستىق Nur Otan پارتيياسى فيليالىمەن بٸرلەسە, «BizBirgemiz» قورى قاراجاتىنان تاراز قالاسى بويىنشا حالىقتىڭ ەلەۋمەتتٸك وسال توپتارىنا كٶمەك بەرۋ جٷرگٸزٸلدٸ.
«ازاماتتار تٸزٸمٸ 7 سانات بويىنشا جاساقتالىپ, بٷگٸنگٸ كٷنگە 16 768 ازاماتتىڭ ەسەپ شوتىنا 50 مىڭ تەڭگەدەن اۋدارىلدى. بارلىعى 838 ملن تەڭگە كٶمەك جاسالدى. سونىمەن قاتار, Nur Otan پارتيياسىنىڭ ايماقتاعى بەلسەندٸ مٷشەلەرٸ, جەكە كەسٸپكەرلەردٸڭ كٶمەگٸمەن 80 ملن تەڭگە كٶلەمٸندە قارجى جينالىپ, 3 مىڭ وتباسى العاشقى كەزەكتەگٸ قاجەتتٸلٸكتەگٸ ازىق-تٷلٸك سەبەتٸمەن قامتىلعان», - دەيدٸ ە.جىلقىباەۆ.
