مەجٸلٸس دەپۋتاتتارى ٷكٸمەتكە ۇلتتىق قوردان اقشا الۋدى دوعارۋ قاجەتتٸگٸن ەسكەرتتٸ, دەپ حابارلايدى "ۇلت اقپارات".
«بيۋدجەتتٸ جوسپارلاۋ مەن اتقارۋدىڭ كەيبٸر ٶزەكتٸ پروبلەمالارىنا توقتالعىم كەلەدٸ, ال ٷكٸمەت ٶزٸنٸڭ الداعى جۇمىسىندا ولاردى ەسكەرۋٸ كەرەك.
بٸرٸنشٸدەن, سالىق جيناۋ دەڭگەيٸ ەلٸ دە تٶمەن. 2020 جىلى بيۋدجەتتٸڭ سالىقتىق تٷسٸمدەرٸ 17,4 پايىزعا ازايدى. 2021 جىلعى 1 قاڭتارعا بيۋدجەتكە جالپى بەرەشەك 378 ملرد تەڭگەنٸ قۇرادى. كتس (كورپوراتيۆتٸك تابىس سالىعى) اۆانستىق تٶلەمٸ 79,9 ملرد تەڭگەنٸ نەمەسە 2020 جىلعى جەلتوقساندا بيۋدجەتكە تٷسكەن, كتس تٷسٸمٸنٸڭ 18,5%-ىن قۇرادى. ققس بويىنشا جالپى دەبيتتٸك سالدو 1,6 ترلن تەڭگەدەن استى. جوعارىدا اتالعان وسى پروبلەمالاردىڭ بارلىعى «سالىقتىق ەكٸمشٸلەندٸرۋ جٷيەسٸن رەفورمالاۋ» باعدارلاماسى اياسىندا شەشٸلۋگە تيٸس ەدٸ. وسى باعدارلامانى ٸسكە اسىرۋعا 11 جىل ٸشٸندە, ميللياردتاعان تەڭگە جۇمسالدى. سوندا نەتيجە قانداي?», - دەدٸ دەپۋتات ٷكٸمەت پەن ەسەپ كوميتەتٸنٸڭ 2020 جىلعا ارنالعان رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن قاراۋ كەزٸندە.
ونىڭ ايتۋىنشا, مەملەكەتتٸك كٸرٸس كوميتەتٸنٸڭ 16 اقپاراتتىق جٷيەسٸنەن 12 جٷيەسٸ اقپاراتتىق قاۋٸپسٸزدٸك تالاپتارىنا ساي كەلمەيدٸ, ونىڭ ٸشٸندە 9-ى پايدالانۋعا ەنگٸزٸلمەگەن. نەتيجەسٸندە, سالىقتىق جەنە كەدەندٸك جۇمىستى جاقسارتۋدان, تەك 2020 جىلدىڭ ٶزٸندە عانا تٷسەتٸن 1,5 ترلن تەڭگە مٶلشەرٸندەگٸ قوسىمشا تٷسٸمدەر تٷسكەن جوق. ناقتى سوما 221 ملرد تەڭگەنٸ قۇرادى.
«سالىقتىق ەكٸمشٸلەندٸرۋدٸڭ ەلسٸز بولۋى, بيۋدجەتكە ۇلتتىق قوردان قوسىمشا كارجى تارتۋىنا الىپ كەلدٸ. 2020 جىلى رەسپۋبليكالىق بيۋدجەت كٸرٸستەرٸنٸڭ 45%-ى ۇلتتىق قوردان ترانسفەرتتەر تٷسٸمدەرٸ. سوماسى 4,8 ترلن تەڭگەنٸ قۇرادى. بۇل – سوڭعى جىلدارداعى ەڭ جوعارى كٶرسەتكٸش. ٷكٸمەتكە بولاشاقتا, ۇلتتىق قورسىز تەك بورىشتارى عانا قالۋى مٷمكٸن ەكەنٸن تٷسٸنەتٸن ۋاقىت كەلدٸ. سوندىقتان بٷگٸن ۇلتتىق قور تۋرالى ويلاماۋ, ول ەلدٸڭ بولاشاعى تۋرالى ويلاماۋمەن بٸردەي», - دەدٸ امانجان جامالوۆ.
بۇدان بۇرىن حابارلانعانداي, پارلامەنت پالاتالارىنىڭ بٸرلەسكەن وتىرىسىندا قارجى مينيسترٸ ەرۇلان جاماۋباەۆ ورتا مەرزٸمدٸ كەزەڭدە ترانسفەرت سوماسى بٸرتٸندەپ قىسقاراتىنىن ايتتى.
